ម៉ាឡេស៊ី និងជប៉ុន គ្រោងវិនិយោគ ៤១ លានដុល្លារសាងសង់ខ្សែបញ្ចូនថាមពលក្រោមដីនៅកម្ពុជា

• 18 ខែ​កុម្ភៈ 2021
• ព័ត៌មានអចលនទ្រព្យ
• 8 មើល

ក្រុមហ៊ុនម៉ាឡេស៊ី PESTECH ដែលជាដៃគូគ្នាជាមួយនឹងក្រុមហ៊ុនជប៉ុន Furukawa Electric Co Ltd កាលពីថ្មីៗនេះ ទើបតែទទួលបានកិច្ចសន្យាពី អគ្គិសនីកម្ពុជា(EDC) ក្នុងការវិនិយោគសាងសង់ខ្សែបញ្ចូនថាមពលអគ្គិសនីក្រោមដីតម្លៃជាង ៤១ លានដុល្លាអាមេរិក នៅរាជធានីភ្នំពេញ។

បើយោងតាមសេចក្ដីប្រកាសរបស់ក្រុមហ៊ុន ការងារបែងចែកចេញជា ២ ផ្នែក គឺ ទី១ គម្រោងពង្រីកខែ្សបញ្ចូន និងបណ្ដាញចែកចាយអគ្គិសនីនៅរាជធានីភ្នំពេញដំណាក់កាលទី ២ (ប្រើប្រាស់ថវិកាប្រមាណ ២១ លានដុល្លារ) និងទី ២ គម្រោងលទ្ធកម្មបណ្តាញបញ្ជូនអគ្គិសនីក្រោមដី (ប្រើប្រាស់ថវិកាប្រមាណ ២០ លានដុល្លារ)។

ខ្សែបណ្តាញអគ្គីសនីនេះ នឹងមានតង់ស្យុង ២៣០ គីឡូវ៉ុល និង ២២០ គីឡូវ៉ុល ដែលក្រុមហ៊ុន PESTECH នឹងមានតួនាទីរចនាប្លង់ ស្ទង់មតិ ធ្វើផលិតកម្ម ធ្វើតេស្ត៍ និងដំឡើងបង្គោលផងដែរ។

ដោយឡែក ក្រុមហ៊ុនក៏បានឱ្យដឹងថា ចំពោះកាលបរិច្ឆេទចាប់ផ្តើមសាងសង់ និងបញ្ចប់គម្រោង គឺនឹងត្រូវសម្រេចដោយអគ្គិសនីកម្ពុជា (EDC) នៅពេលចរចាកិច្ចសន្យាជាមួយក្រុមហ៊ុន។

• ថាមពល និងបរិស្ថាន
• គម្រោងអភិវឌ្ឍន៍
• បច្ចេកវិទ្យា និងវិស្វកម្ម
• គម្រោងអភិវឌ្ឍន៍
• ថាមពល និងបរិស្ថាន