រដ្ឋចេញវិធានការក្ដៅ ៤ ចំណុច ហាមវាយកម្ទេចសំណង់អគារបេតិកភណ្ឌក្នុងទីក្រុង

• 14 ខែ​តុលា 2021
• ព័ត៌មានអចលនទ្រព្យ
• 9 មើល

ទីស្តីការគណៈរដ្ឋមន្ត្រី បានចេញវិធានការក្ដៅ ៤ ចំណុច ទប់ស្កាត់ការវាយកម្ទេច និងបំផ្លិតបំផ្លាញសំណង់បេតិកភណ្ឌ ដូចជាសំណង់អគារសាសនា សំណង់សាធារណៈ សំណង់ឯកជន ភូមិដ្ឋាន និងផ្ទះបុរាណនានា ទូទាំងប្រទេស ក្នុងគោលបំណងដើម្បីអភិរក្សអគារ និងរក្សាអត្តសញ្ញាណជាតិ។

បើតាមសារាចរលេខ០៨ សរ ចុះថ្ងៃទី ១២ ខែតុលា ឆ្នាំ២០២១ នេះ វិធានការទាំង ៤ នោះរួមមាន៖
១.ហាមឃាត់ការកែប្រែ ប្ដូររូបរាងខាងក្រៅ ឬធ្វើឱ្យខូចខាតសោភ័ណភាពចំពោះសំណង់នៃតំបន់បេតិកភណ្ឌទីក្រុង

២.ទប់ស្កាត់ការវាយកម្ទេចនិងបំផ្លិចបំផ្លាញសំណង់វប្បធម៌ ប្រវត្តិសាស្ត្រ សំណង់បុរាណ និងសំណង់អគារបេតិកភណ្ឌ ដើម្បីការពារឱ្យបានគង់វង្ស។

៣.បញ្ឈប់ជាបន្ទាន់ចំពោះការបំផ្លាញអគារបេតិកភណ្ឌក្នុងតំបន់ការពារ និងក្រៅតំបន់ការពារ ដោយផ្ដោតលើយុទ្ធសាស្ត្រ គោលនយោបាយ និងផែនទីចង្អុលបង្ហាញ ដើម្បីជំរុញការអភិរក្សនិងការអភិវឌ្ឍទីក្រុងបេតិកភណ្ឌប្រកបដោយនិរន្តរភាព

៤.សំណង់អគារបេតិកភណ្ឌដែលនឹងត្រូវធ្វើការជួសជុល កែប្រែរូបរាង ឬវាយកម្ទេចចោល ត្រូវស្នើសុំការពិនិត្យ និងសម្រេចពីក្រសួងវប្បធម៌និងវិចិត្រសិល្បៈ និងអាជ្ញាធរពាក់ព័ន្ធជាមុនសិន។

• ច្បាប់ និងបញ្ញាត្តិ
• ច្បាប់ និងបញ្ញាត្តិ