រដ្ឋដកយកដី ២០ ហិកតាពីបឹងតាមោកពីឯកជនវិញ ហើយមោឃៈការសាងសង់អាគារទីបញ្ជាការស្រាលនៅសង្កាត់ស្រះចក

• 15 ខែ​មករា 2021
• ព័ត៌មានក្នុងស្រុក
• 9 មើល

រដ្ឋាភិបាលកម្ពុជា បានសម្រេចទុកជាមោឃៈ ការកាត់ដីបឹងតាមោក ២០ ហិកតាឱ្យទៅឯកជន ក៏ដូចជា និរាករណ៍ការសាងសង់អគារទីបញ្ជាការស្រាលលើដី ១,៥ ហិកតា នៅខណ្ឌដូនពេញផងដែរ។ នេះបើយោងតាមអនុក្រឹត្យ លេខ០៨ ចុះថ្ងៃទី ១៣ ខែមករា ឆ្នាំ២០២១។

កាលពីខែធ្នូ ឆ្នាំ ២០២០ រដ្ឋាភិបាល បានចេញលិខិតចំនួន ២ ដែលក្នុងនោះ លិខិតមួយសម្រេចប្រគល់ផ្ទៃបឹងតាមោក ២០ ហិកតាឱ្យទៅលោក លន់ ហាក់ និងអ្នកស្រី ឈុន ចាន់ធី។ ហើយលិខិតមួយទៀត គឺជាការដោះដូរឱ្យអ្នកទាំង ២ ត្រូវសាងសង់អគារទីបញ្ជាការស្រាល ទំហំ ២១ ម៉ែត្រ និង ៤២ ម៉ែត្រ លើផ្ទៃដី ១,៥ ហិកតា នៅសង្កាត់ស្រះចក ខណ្ឌដូនពេញវិញ។

ប៉ុន្តែ អនុក្រឹត្យថ្មីថ្ងៃទី ១៣ ខែមករា នេះ សម្រេចទុកជាមោឃៈនៃសេចក្ដីសម្រេចចាស់ទី ២ នេះហើយ ពោលគឺគ្មានការដោះដូរដី និងសាងសង់អ្វីទៀតទេ។

គួរបញ្ជាក់ផងដែរថា ក្នុងឆ្នាំ ២០២០ នេះ រដ្ឋាភិបាលកម្ពុជាបានសម្រេចកាត់ដីបឹងតាមោកយ៉ាងហោច ៩ លើក ឬស្មើនឹង ៦៨២ ហិកតា ឱ្យទៅជាកម្មសិទ្ធិឯកជន និងស្ថាប័នរដ្ឋមួយចំនួន ហើយក៏មានករណីជាច្រើនត្រូវបានទុកជាមោយៈផងដែរ។ (អានបន្ថែម និងបន្ថែម)

• Laws and Regulation