រដ្ឋបន្ដលើកលែងពន្ធប្រថាប់ត្រាអចលនទ្រព្យតម្លៃស្មើ ឬទាបជាង ៧ម៉ឺនដុល្លារ ដល់ចុងឆ្នាំ២០២២

• Kongleaphy Keam
• 28 ខែ​មេសា 2022
• ព័ត៌មានអចលនទ្រព្យ
• 375 មើល

អគ្គនាយកដ្ឋានពន្ធដារ បានសម្រេចបន្តលើកលែងពន្ធប្រថាប់ត្រាចំពោះអចលនទ្រព្យ ដែលមានតម្លៃស្មើ ឬទាបជាង ៧ម៉ឺនដុល្លារ រហូតដល់ចុងឆ្នាំ២០២២។

យោងតាមសេចក្តីជូនដំណឹងចុះថ្ងៃទី២២ មេសា ការបន្ដអនុគ្រោះនេះ គឺអនុលោមតាមក្របខណ្ឌយុទ្ធសាស្ត្រ និងកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយគ្នាកូវីដ១៩ តាមគន្លងប្រក្រតីភាពថ្មី សម្រាប់ឆ្នាំ២០២១-២០២៣។

គួរបញ្ជាក់ថា ការលើកលែងពន្ធប្រថាប់ត្រាសម្រាប់ផ្ទះ និងខុនដូតម្លៃទាបជាង ៧ម៉ឺនដុល្លារ ប្រកាសជាលើកដំបូងដោយសម្ដេចហ៊ុន សែន នៅខែ កុម្ភៈ ឆ្នាំ ២០២០ ដោយលើកលែង១ ឆ្នាំដល់ មករា ២០២១។

ក្រោយមក រដ្ឋសម្រេចបន្ដលើកលែង ១ ឆ្នាំទៀត ដល់ចុងខែធ្នូ ឆ្នាំ ២០២១ ហើយការប្រកាសនេះ គឺជាការលើកលែងបន្ដដល់ចុងឆ្នាំ ២០២២។