រដ្ឋបាលខេត្តកណ្តាលសម្ពោធដាក់ឱ្យប្រើប្រាស់ហេដ្ឋារចនាសម្ព័ន្ធជាច្រើនក្នុងស្រុកល្វាឯម

• 21 ខែ​កុម្ភៈ 2022
• Uncategorized
• 5 មើល

រដ្ឋបាលខេត្តកណ្តាល បានរៀបចំពិធីសម្ពោធដាក់ឱ្យប្រើប្រាស់ជាផ្លូវការនូវសមិទ្ធផលហេដ្ឋារចនាសម្ព័ន្ធជាច្រើនស្ថិតនៅស្រុកល្វាឯម។

ពិធីសម្ពោធធ្វើឡើង កាលពីថ្ងៃទី ១៩ ខែកុម្ភៈ ក្រោមអធិបតីភាពឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកអគ្គនាយក នៃអគ្គនាយកដ្ឋានពន្ធដារ។

សមិទ្ធផលនានាដែលត្រូវសម្ពោធទាំងនេះ រួមមាន៖
-សួនច្បារ ទំហំ ២០ម៉ែត្រ x ៣៥ ម៉ែត្រ
-តារាងបាល់ទាត់ ទំហំ ៧៥ម៉ែត្រ x ៥០ម៉ែត្រ
-ស្ពាន ២កន្លែង ប្រវែង ៧៦ម៉ែត្រ x ៨ម៉ែត្រ រួមមានស្ពានព្រែកពោធិ៍ និងស្ពានតាព្រហ្ម ដោយមានអ៊ុតកៅស៊ូ AC ពីលើ។

គួរបញ្ជាក់ថា សមិទ្ធផលទាំងនេះ ស្ថិតនៅភូមិវាលធំ និងភូមិព្រែកតាអុងទី៣ ឃុំពាមឧកញ៉ាអុង និងភូមិកោះរះលើ ឃុំកោះរះ ស្រុកល្វាឯម ខេត្តកណ្តាល។

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• Road and Infrastructure
• Projects Development
• គម្រោងអភិវឌ្ឍន៍