រដ្ឋបាលខេត្តត្បូងឃ្មុំប្រកាសបើកដំណើរការផ្សារគំរូព្រំដែន កម្ពុជា-វៀតណាម ឡើងវិញ

• 11 ខែ​វិច្ឆិកា 2021
• ព័ត៌មានអចលនទ្រព្យ
• 8 មើល

រដ្ឋបាលខេត្តត្បូងឃ្មុំ បានប្រកាសបើកដំណើរការជាផ្លូវការនូវផ្សារគំរូព្រំដែន កម្ពុជា-វៀតណាម ឬផ្សារដារ ចាប់ពីថ្ងៃទី ១៦ ខែវិច្ឆិកា នេះតទៅ ក្រោយពីសម្ពោធដាក់ឱ្យប្រើប្រាស់តាំងតែពីខែឆ្នូ ឆ្នាំ២០១៩ តែត្រូវរាំងស្ទះមិនបានបើកដោយសារវិបត្តិកូវីដ។

បើយោងតាមសេចក្តីជូនដំណឹង ចុះថ្ងៃទី ១០ ខែវិច្ឆិកា ឆ្នាំ២០២១ សម្រាប់អាជីវករ សេវាករ ពាណិជ្ជករ ផលិតករ និងសាធារណៈជន ដែលមានបំណងប្រកបអាជីវកម្មក្នុងផ្សារ អាចបន្តដាក់ពាក្យស្នើសុំមកលេខាធិការដ្ឋានគ្រប់គ្រងផ្សារ នៅមន្ទីរពាណិជ្ជកម្មខេត្ត ឬទំនាក់ទំនងតាមរយៈទូរស័ព្ទលេខ ០៩២ ៥៤៨ ៣២៨/០៨៨ ៧៤៧៤ ២៥៦។

គួរបញ្ជាក់ថា ផ្សារគំរូព្រំដែន កម្ពុជា ឬហៅថា ផ្សារដារ មានទីតាំងនៅក្នុងតំបន់សេដ្ឋកិច្ចពិសេសខេត្តត្បូងឃ្មុំ ស្ថិតក្នុងឃុំដារ ស្រុកមេមត់ ខេត្តត្បូងឃ្មុំ។

គម្រោងនេះសាងសង់ដោយប្រើប្រាស់ថវិកា ប្រមាណ ២លានដុល្លារ ដែលជាថវិកាពីរដ្ឋាភិបាលវៀតណាម។ ផ្សារព្រំដែននេះត្រូវបានសាងសង់លើផ្ទៃដីទំហំ ២ហិកតា និងស្ថិតនៅចំងាយប្រមាណ ៣០០ម៉ែត្រ ពីព្រំដែនខេត្តតៃនិញប្រទេសវៀតណាម។ (អានបន្ថែម)

• ធុរកិច្ច និងទីផ្សារ
• ធុរកិច្ច និងទីផ្សារ