រដ្ឋបាលប៉ោយប៉ែតប្រកាសឱ្យធនាគារ និងក្រុមហ៊ុនបញ្ចាំ ប្រយ័ត្នចំពោះឯកសារប្លង់ដីក្លែងក្លាយ

• 14 ខែ​តុលា 2021
• ព័ត៌មានអចលនទ្រព្យ
• 8 មើល

រដ្ឋបាលក្រុងប៉ោយប៉ែតបានប្រកាសឱ្យធនាគារ គ្រឹះស្ថានមីក្រូហិរញ្ញវត្ថុ ក្រុមហ៊ុនទទួលបញ្ចាំ និងសាធារណជនទាំងអស់ឱ្យប្រុងប្រយ័ត្ន ចំពោះការក្លែងបន្លំឯកសារផ្លូវច្បាប់ទាក់ទិននឹងដីធ្លីនានា ក្រោយរកឃើញជាច្រើនករណី។

សេចក្តីជូនដំណឹងរបស់រដ្ឋបាលក្រុងប៉ោយប៉ែត ចុះថ្ងៃទី ៣០ ខែកញ្ញា ឆ្នាំ២០២១ បានឱ្យដឹងថា បច្ចុប្បន្ន រដ្ឋបាលក្រុងកំពុងប្រមូលចាប់ឯកសារដីធ្លីជាច្រើន ដែលក្លែងបន្លំត្រាមូល និងហត្ថលេខារបស់រដ្ឋបាលក្រុង សង្កាត់ និងមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត។

ជនខិលខូចទាំងនោះ បានប្រើត្រាមូល និងហត្ថលេខា ក្លែងក្លាយ លើឯកសារពាក់ព័ន្ធនឹងដីធ្លីដូចជា លិខិតផ្ទេរសិទ្ធិកាន់កាប់ប្រើប្រាស់ដីធ្លី លិខិតធានាអះអាងនិងកិច្ចសន្យា លិខិតបញ្ជាក់ពីប្រវត្តដី និងវិញ្ញាបនបត្រសម្គាល់ម្ចាស់អចលនវត្ថុមួយចំនួន ហើយបានយកឯកសារទាំងនោះទៅដាក់បញ្ចាំនៅ ធនាគារ គ្រឹះស្ថានមីក្រូហិរញ្ញវត្ថុ និងក្រុមហ៊ុនទទួលបញ្ចាំនានា ក្នុងក្រុងប៉ោយប៉ែត។

ក្នុងអំឡុងពេលដែលអាជ្ញាធរក្រុងប៉ោយប៉ែតកំពុងចុះចាប់នេះ គ្រឹះស្ថានពាក់ព័ន្ធ និងសាធារណជន ក៏ត្រូវតែបង្កើនការប្រុងប្រយ័ត្នដែរ ដោយត្រូវពិនិត្យឱ្យបានច្បាស់លាស់ជាមួយអាជ្ញាធរមានសមត្ថកិច្ច ដើម្បីជៀសវាងបញ្ហា

• ច្បាប់ និងបញ្ញាត្តិ
• ច្បាប់ និងបញ្ញាត្តិ