រដ្ឋសម្រេចបើកឱ្យធ្វើចរាចរលើស្ពានកោះពេជ្រ-កោះនរា ជាបណ្ដោះអាសន្នចាប់ពីថ្ងៃស្អែកនេះតទៅ!

• Sommana Yan
• 19 ខែ​តុលា 2023
• ព័ត៌មានក្នុងស្រុក
• 279 មើល

រដ្ឋសម្រេចបើកឱ្យពលរដ្ឋធ្វើចរាចរលើស្ពានកោះពេជ្រ-កោះនរា ជាបណ្ដោះអាសន្នចាប់ពីថ្ងៃទី២០ តុលា ២០២៣ ស្អែកនេះតទៅ។

នេះបើយោងតាមការចុះផ្សាយលើទំព័ហ្វេប៊ុកផ្លូវការរបស់មន្ទីរសាធារណការ និងដឹកជញ្ជូនរាជធានីភ្នំពេញ នៅល្ងាចថ្ងៃទី១៩ តុលា ២០២៣នេះ។

មន្ទីរសាធារណការ និងដឹកជញ្ជូនរាជធានីភ្នំពេញបានលើកឡើងថា ដើម្បីកាត់បន្ថយការកកស្ទះចរាចរនៅការដ្ឋានសាងសង់ស្ពានអាកាសព្រះមុនីវង្ស ស្ពានកោះនរា នឹងដាក់អោយធ្វើដំណើរជាបណ្តោះអាសន្ន ចាប់ពីថ្ងៃស្អែកទី២០ខែតុលាឆ្នាំ២០២៣ វេលាម៉ោង ៦:០០ព្រឹកតទៅ ។

យ៉ាងណាមិញ ស្ពានថ្មីនេះ គ្រោងនឹងសម្ពោធដាក់ឱ្យប្រើប្រាស់ជាបណ្តោះអាសន្ននៅថ្ងៃទី២៧ ខែតុលា ខាងមុខនេះផងដែរ។ (អានបន្ថែម)

ស្ពានកោះពេជ្រ-កោះនរានេះ មានទីតាំងស្ថិតនៅក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ ក្រោមទុនវិនិយោគតម្លៃ ៣៨លានដុល្លារ និងត្រូវបានសាងសង់ដោយក្រុមហ៊ុនវិនិយោគទុនអណិកជនកម្ពុជា (OCIC) ក្រោមការគ្រប់គ្រងរបស់រដ្ឋបាលរាជធានីភ្នំពេញ។ (អានបន្ថែម)