រដ្ឋសាងសង់ឡដុតសំរាម ៥០ គ្រឿង ក្នុង ៤៩ ស្រុកទូទាំងប្រទេស ដើម្បីពង្រឹងប្រព័ន្ធគ្រប់គ្រងសំណល់

• 2 ខែ​សីហា 2021
• Uncategorized
• 15 មើល

មកទល់បច្ចុប្បន្ននេះ ក្រសួងបរិស្ថាន បានបំពាក់ឡដុតសំរាមចំនួន ៥០គ្រឿងទៅដល់ ២១ រាជធានី-ខេត្ត ឬសរុប ៤៩ ស្រុក រួចទៅហើយ ទិសដៅដើម្បីផ្ដោតពង្រឹងប្រព័ន្ធគ្រប់គ្រងសំណល់ទូទាំងប្រទេសឱ្យមានប្រសិទ្ធភាពជាងមុន។

ក្រសួងបរិស្ថាន ក៏បានប្ដេជ្ញាថានឹងបន្តរឹតបន្ដឹង និងបង្កើនសមត្ថភាពរដ្ឋបាលថ្នាក់ក្រោមជាតិឱ្យប្រសើរជាងមុន ពោលគឺជំរុញឱ្យមន្រ្តីធ្វើការងារតាមលក្ខណបច្ចេកទេស និងតាមគោលនយោបាយស្តីពីការគ្រប់គ្រងសំរាមរបស់ក្រសួង។

គួរបញ្ជាក់ដែរថា កន្លងមក ឃើញថាមានរដ្ឋបាលថ្នាក់ក្រោមជាតិចំនួន៤ ដែលបាននិងកំពុងអនុវត្តការងារនេះ បានល្អប្រសើរ រួមមាន ស្រុកបន្ទាយស្រី ខេត្តសៀមរាប ក្រុងព្រៃវែង និង ស្រុកស្វាយអន្ទរនៃខេត្តព្រៃវែង និងស្រុកអូររាំងឪ នៃខេត្តត្បូងឃ្មុំ។

ទន្ទឹមនឹងនេះ ក្រុងព្រះសីហនុ និងស្រុកព្រៃនប់ ស្រុកអន្លង់វែង ស្រុកស្នួល និងស្រុកពេជ្រាដា ក៏កំពុងឆ្ពោះទៅរកការ គ្រប់គ្រងសំរាមសំណល់រឹង ប្រកបដោយប្រសិទ្ធភាពផងដែរ៕

• ថាមពល និងបរិស្ថាន
• គោលនយោបាយ និងផែនការយុទ្ធសាស្រ្ត
• Energy and Environment
• Policy and Strategy
• ថាមពល និងបរិស្ថាន