រដ្ឋាភិបាលចេញវិធានការពង្រឹងការថែរក្សាដីរដ្ឋ

• 17 ខែ​មករា 2019
• ព័ត៌មានអចលនទ្រព្យ
• 7 មើល

ក្នុងគោលបំណងគ្រប់គ្រងនិងថែរក្សាសម្បត្តិដីរដ្ឋឲ្យមានប្រសិទ្ធភាព ក្រសួងរៀបចំដែនដី នគរូបនីយកម្ម និងសំណង់បានចេញលិខិតស្នើសុំវិធាន ការជួយពីអភិបាលរាជធានី និងខេត្ត។

យោងតាមលិខិតចុះថ្ងៃទី ១៦ ខែ មករា ឆ្នាំ ២០១៩ ឧបនាយករដ្ឋមន្ត្រី ឯកឧត្តម ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានស្នើឲ្យអភិបាលនៃគណៈអភិបាលរាជធានី ខេត្ត និងជាប្រធានគណៈកម្មាធិការគ្រប់គ្រងដីរដ្ឋថ្នាក់ រាជធានី ខេត្ត សហការផ្តល់ទិន្នន័យដីរដ្ឋដើម្បីក្រសួងដាក់បញ្ចូលក្នុងផែនទីរួមងាយស្រួលក្នុងការគ្រប់គ្រង។

«ក្រសួងសូម ឯកឧត្តម លោកជំទាវអភិបាល សហការជាមួយអាជ្ញាធរកាន់កាប់ដីរដ្ឋ ផ្តល់ទិន្នន័យដីរដ្ឋដែលស្ថិតក្នុងសមត្ថកិច្ចកាន់កាប់គ្រប់គ្រងរបស់អង្គភាពរៀងៗខ្លួន ដាក់បញ្ចូលក្នុងផែនទីរួម រៀបចំបោះបង្គោលព្រំដី និងរៀបចំប៉ាណូផ្សព្វផ្សាយដល់សាធារណជន» លិខិតខាងលើបានសរសេរយ៉ាងដូច្នេះ។

ជាងនេះទៅទៀត ក្រសួងក៏បានស្នើឲ្យអភិបាលរាជធានី ខេត្តផ្តល់កិច្ចសហការក្នុងការចុះបញ្ជីដីរដ្ឋ ព្រមទាំងទប់ស្កាត់ការចូលទន្រ្ទានកាន់កាប់ និងមិនអនុញ្ញាតធ្វើចរន្តការក្នុងការចេញប័ណ្ណកម្មសិទ្ធិ លើកលែងករណីដែលមានការសម្រេចពីប្រមុខរាជរដ្ឋាភិបាល។

• ច្បាប់ និងបញ្ញាត្តិ
• ច្បាប់ និងបញ្ញាត្តិ