រដ្ឋាភិបាលអនុម័តគម្រោងវិនិយោគធំៗចំនួន៦ ថ្មីទៀតហើយ តម្លៃសរុបជាង ១០០លានដុល្លារ

5 ខែឧសភា 2021
10 មើល

ក្រុមប្រឹក្សាអភិវឌ្ឍន៍កម្ពុជា ឬCDC កាលពីថ្មីៗនេះ បានអនុម័តឱ្យក្រុមហ៊ុនឯកជនវិនិយោគសាងសង់រោងចក្រចំនួន ៦កន្លែង តម្លៃសរុប ១០៦,៣ លានដុល្លារអាមេរិក នៅខេត្តកណ្តាល ខេត្តតាកែវ ខេត្តកំពង់ស្ពឺ និងខេត្តព្រះសីហនុ។

ក្រុមហ៊ុនទី១ គឺក្រុមហ៊ុន YIANKANG BIOLOGICAL TECHNOLOGY CO., LTD ដែលនឹងវិនិយោគប្រមាណ ២,៩ លានដុល្លារអាមេរិក បង្កើតរោងចក្រកែច្នៃម្ហូបអាហារ ស្ថិតនៅភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។

ក្រុមហ៊ុនទី២ គឺក្រុមហ៊ុន OCEAN TREASURE DYEING & PRINTING CO., LTD ដែលនឹងវិនិយោគ ៣,១ លានដុល្លារអាមេរិក បង្កើតរោងចក្របោកគក់ ជ្រលក់ពណ៌ និងបោះពុម្ព ដែលស្ថិតនៅភូមិក្រាំងទ្រា ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ។

ក្រុមហ៊ុនទី៣ គឺក្រុមហ៊ុន LESSO (CAMBODIA) TRADING CO., LTD ដែលនឹងវិនិយោគ ៩,៤ លានដុល្លារអាមេរិក បង្កើតរោងចក្រផលិតបំពង់ទីប ទុយោជ័រ និងបរិក្ខារបំពង់ជ័រ (PVC pipe fittings) គ្រប់ប្រភេទ ដែលមានទីតាំងនៅភូមិព្រៃរកានិងភូមិត្រពាំងជូន ឃុំឆក់ឈើនាង ស្រុកអង្គស្នួល ខេត្តកណ្តាល។

ក្រុមហ៊ុនទី៤ គឺក្រុមហ៊ុន SANTELYS PHARMACEUTICAL CO., LTD ដែលនឹងវិនិយោគ ១២,៥ លានដុល្លារអាមេរិក បង្កើតរោងចក្រផលិតឱសថ នៅភូមិសន្លុង ឃុំសន្លុង ស្រុកខ្សាច់កណ្តាល ខេត្តកណ្តាល។

ក្រុមហ៊ុនទី៥ គឺក្រុមហ៊ុន KUANTECH (CAMBODIA) INTERNATIONAL CO., LTD ដែលនឹងវិនិយោគ ២៩,៧ លានដុល្លារអាមេរិក បង្កើតរោងចក្រផ្គុំដំឡើងគ្រឿងអេឡិចត្រូនិក ម៉ាស់អេឡិចត្រូនិក និងឧបករណ៍បន្សុទ្ធខ្យល់គ្រប់ប្រភេទ ដែលមានទីតាំងវិនិយោគស្ថិតនៅភូមិចមពល ឃុំពពេល ស្រុកត្រាំកក់ ខេត្តតាកែវ។

ក្រុមហ៊ុនទី៦ គឺក្រុមហ៊ុន JIN BEI PALACE CO., LTD ដែលនឹងវិនិយោគ ៤៨,៧ លានដុល្លារអាមេរិក សាងសង់សណ្ឋាគារថ្នាក់ផ្កាយ៥ ចំនួន១៩៥បន្ទប់ នៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។

គួរបញ្ជាក់ថា បើតាមក្រុមប្រឹក្សាអភិវឌ្ឍន៍កម្ពុជា គម្រោងវិនិយោគទាំង ៦ ខាងលើនេះ នឹងផ្តល់ការងារចំនួន១៨៥២ កន្លែង ដល់ប្រជាពលរដ្ឋក្នុងតំបន់។

សម្រាប់ឆ្នាំ ២០២១ នេះ គិតត្រឹមដើមខែមេសានេះ ក្រុមប្រឹក្សាអភិវឌ្ឍន៍កម្ពុជា បានសម្រេចអនុម័តគម្រោងធំៗ ជាច្រើនដែលមានទុនវិនិយោគសរុបមានប្រមាណជាង២,១ ពាន់លានដុល្លារ។ (អានបន្ថែម)

- Video Advertisement -