រោងចក្រថាមពលជីវម៉ាសធំជាងគេនៅកម្ពុជាតម្លៃ ៥,៨លានដុល្លារ ចាប់ផ្តើមសាងសង់

• 10 ខែ​ធ្នូ 2021
• Uncategorized
• 3 មើល

ក្រុមហ៊ុនស្រាបៀរ Heineken Cambodia បានបើកការដ្ឋានសាងសង់រោងចក្រថាមពលជីវម៉ាសខ្នាតធំមួយតម្លៃ ៥,៨លានដុល្លារ ដើម្បីទាញយកថាមពលស្អាតទៅប្រើប្រាស់ក្នុងផលិតកម្មស្រាបៀររបស់ខ្លួន។

ក្រុមហ៊ុនបានឱ្យដឹងនៅក្នុងពិធីបើកការដ្ឋានកាលពីថ្ងៃទី ៨ ធ្នូ នេះថា ក្រោយសាងសង់រួច រោងចក្រនេះ នឹងក្លាយជារោងចក្រថាមពលជីវម៉ាសធំជាងគេនៅកម្ពុជានេះ ដែលនេះគឺជាផ្នែកមួយនៃការប្តេជ្ញាចិត្តក្នុងការអភិវឌ្ឍប្រទេសកម្ពុជាឱ្យកាន់តែល្អប្រសើររបស់ក្រុមហ៊ុន។

គម្រោងនេះ ជាការសហការជាមួយនឹងក្រុមហ៊ុន BECIS ដោយរោងចក្រជីវម៉ាស នឹងប្រើប្រាស់អង្កាមដែលមានប្រភពមកពីខេត្តព្រៃវែង ដើម្បីបង្កើតចំហាយទឹក និងផ្ទេរថាមពលមកក្នុងរោងចក្រផលិតស្រាបៀរ។

ជាមួយនឹងការគាំទ្រពីក្រសួងបរិស្ថាន ក្រុមហ៊ុននឹងបង្កើនសកម្មភាពកែច្នៃ ការកាត់បន្ថយ និងការប្រើប្រាស់ឡើងវិញ (recycling, reducing, and reusing) ឱ្យបានច្រើនជាងមុន ក្នុងគ្រប់ជំហាននៃខ្សែចង្វាក់តម្លៃ។

រោងចក្រជីវម៉ាសនេះ គឺជាផ្នែកមួយនៃមហិច្ឆតារបស់ក្រុមហ៊ុន ក្នុងការកាត់បន្ថយការបំភាយឧស្ម័នកាបូនិចដោយការវិនិយោគលើថាមពលកកើតឡើងវិញ ដើម្បីបញ្ឈប់នូវការបញ្ចេញឧស្ម័នកាបូនិចទាំងស្រុងនៅក្នុងផលិតកម្មរបស់ នៅឆ្នាំ ២០៣០។

• ថាមពល និងបរិស្ថាន
• គម្រោងអភិវឌ្ឍន៍
• Energy and Environment
• Projects Development
• គម្រោងអភិវឌ្ឍន៍
• ថាមពល និងបរិស្ថាន