រោងចក្រអគ្គិសនីអនុភាព ៤០០ មេហ្គាវ៉ាតនៅល្វាឯមនឹងសាងសង់ចប់ជាស្ថាបពរនៅខែធ្នូនេះ

• 26 ខែ​វិច្ឆិកា 2020
• Uncategorized
• 4 មើល

គម្រោងសាងសង់រោងចក្រដើរដោយប្រេងខ្មៅ និងឧស្ម័ន អនុភាព ៤០០មេហ្គាវ៉ាត នៅក្នុងស្រុកល្វាឯម សម្រេចបានប្រមាណ ៩៥% ដោយគ្រោងបញ្ចប់ទាំងស្រុងនៅពាក់កណ្តាលខែធ្នូ ឆ្នាំ២០២០។

នេះបើយោងតាមរដ្ឋមន្រ្តីក្រសួងរ៉ែ និងថាមពល ឯកឧត្តម ស៊ុយ សែម ក្នុងដំណើរទស្សនកិច្ចទីតាំងគម្រោងកាលពីថ្ងៃទី២៦ ខែវិច្ឆិកា នេះ។

ជាក់ស្ដែង រោងចក្រនេះធ្លាប់បានគ្រោងទុកម្ដងហើយថា នឹងភ្ជាប់ចូលបណ្ដាញជាតិកាលពីខែសីហា កន្លងមកនេះ ប៉ុន្តែ ក្រោយមក គម្រោងត្រូវបានពន្យារពេល។ (អានបន្ថែម)

ឯកឧត្តម វិចទ័រ ហ្សូណា អ្នកនាំពាក្យក្រសួងរ៉ែ និងថាមពល បានលើកឡើងកាលពីពេលថ្មីៗនេះថា ការពន្យាពេលបញ្ចប់ការសាងសង់រោងចក្រថាមពលខាងលើនេះ គឺដោយសារ ការរីករាលដាលជំងឺកូវីដ ១៩ និងតម្រូវការថាមពលធ្លាក់ចុះក្នុងឆ្នាំនេះ ដោយសារការការបិទរោងចក្រមួយចំនួន ដោយសារកូវីដ១៩។

គួរបញ្ជាក់ផងដែរថា គម្រោងនេះ ត្រូវបានសាងសង់លើផ្ទៃដីសរុប ៤៣ហិកតា ក្រោមទុនតម្លៃវិនិយោគប្រមាណ ៣៨០លានដុល្លារអាមេរិក។ គម្រោងចែកចេញជាពីរផ្នែកធំៗ ទី១ គឺការសាងសង់រោងចក្រម៉ាស៊ីនភ្លើងអនុភាពទំហំ ២០០មេហ្គាវ៉ាត នាំចូលពីប្រទេសហ្វាំងឡង់ និងសាងសង់ដោយក្រុមហ៊ុនចិន China Gezhouba Group Corporation និង ទី២ គឺជាការសាងសង់រោងចក្រម៉ាស៊ីនភ្លើងអនុភាព ២០០មេហ្គាវ៉ាត នាំចូលពីប្រទេសអាឡឺម៉ង់ នឹងត្រូវសាងសង់ដោយក្រុមហ៊ុនចិន China National Heavy Machinery Corporation។

• ថាមពល និងបរិស្ថាន
• គម្រោងអភិវឌ្ឍន៍
• Energy and Environment
• Projects Development
• គម្រោងអភិវឌ្ឍន៍
• ថាមពល និងបរិស្ថាន