វិមានអាហារ The Food Palace នឹងបង្ហាញខ្លួនក្នុងទីក្រុងរណបជ្រោយចង្វារក្នុងខែតុលានេះ

• 24 ខែ​មេសា 2018
• ព័ត៌មានអចលនទ្រព្យ
• 8 មើល

វិមានអាហារ ឬ The Food Palace ដែលជាអាហារដ្ឋានមួយដ៏ធំជាងគេនៅក្នុងរាជធានីភ្នំពេញ គ្រោងនឹងបើកដំណើរការនៅក្នុងតំបន់ជ្រោយចង្វារក្នុងខែតុលាខាងមុខនេះ។

គម្រោងនេះមានទីតាំងស្ថិតនៅលើមហាវិថី ៣០ម៉ែត្រ សាងសង់លើផ្ទៃដីប្រមាណ ៥ ហិកតាក្រោមការវិនិយោគរបស់ក្រុមហ៊ុនវិនិយោគទុនអាណិកជនកម្ពុជា(OCIC) និងជាផ្នែកមួយនៃគម្រោងអភិវឌ្ឍន៍ទីក្រុងរណបជ្រោយចង្វារផងដែរ។

មជ្ឈមណ្ឌលនេះមានតូបអាហារសរុបទាំងអស់ជាង ២០០តូបដែលមានលក់ម្ហូបអាហារផ្សេងៗគ្នារួមមាន ម្ហូបខ្មែរ ថៃ វៀតណាម ចិន កូរ៉េ ជប៉ុន និង អឺរ៉ុបជាដើម។ ក្នុងនោះដែរ តូបនីមួយៗត្រូវបានរចនាឡើងឱ្យស្របទៅនឹងប្រភេទអាហារដែលលក់។ បន្ទាប់ពីបានបញ្ចប់ការសាងសង់ មជ្ឈមណ្ឌលនេះនឹងក្លាយជាកន្លែងមួយដែលរួមបញ្ចូលអាហារបែប Street Food ច្រើនជាងគេក្នុងទីក្រុងភ្នំពេញ។

ក្រៅពីគម្រោងវិមានអាហារOCIC កំពុងដំណើរការទៅលើគម្រោងផ្សេងៗទៀតនៅក្នុងទីក្រុងរណបជ្រោយចង្វារនេះផងដែរដូចជាគម្រោងអគារ OCICកម្ពស់ ១៩ជាន់ គម្រោងសួន Jurassic Cambodia Dinos Alive គម្រោងលក់ឡាន Car City គម្រោងដីជួល Brand Commercial គម្រោងដីជួល Commercial Land គម្រោងដីជួល Playground Commercial Land គម្រោងផ្ទះល្វែងអាជីវកម្ម និងអគារខុនជាច្រើនទៀត។

• គម្រោងអភិវឌ្ឍន៍
• គម្រោងអភិវឌ្ឍន៍