វៀតណាមនឹងបើកឱ្យប្រើប្រាស់ស្ពានកញ្ចក់វែងជាងគេលើពិភពលោក នៅចុងខែមេសានេះ

• 23 ខែ​មេសា 2022
• ព័ត៌មានសំណង់
• 10 មើល

ស្ពានកញ្ចក់ប្រវែង ៦៣២ ម៉ែត្រ និងកម្ពស់ ១៥០ម៉ែត្រ ដែលជាស្អានកញ្ចក់វែងជាងគេលើពិភពលោក គ្រោងនឹងបើកសម្រាប់ភ្ញៀវទេសចរនៅថ្ងៃទី ៣០ ខែមេសា ខាងមុខនេះហើយ។

ស្ពាននេះមានឈ្មោះថា Bach Long ដែលស្ថិតនៅតំបន់ទេសចរណ៍កោះ Moc Chau ក្នុងខេត្ត Son La ចម្ងាយប្រហែល ២០០ គីឡូម៉ែត្រពីទីក្រុងហាណូយ។ មកទល់បច្ចុប្បន្ន ស្ពានជិតបញ្ចប់ការសាងសង់ ១០០% ហើយ។

នៅពេលសាងសង់រួចរាល់ និងបើកដំណើរការ ស្ពាននេះនឹងប្រជែងយកតំណែងស្ពានកញ្ចក់វែងបំផុត ពីប្រទេសចិន គឺស្ពាន Zhangjiajie Grand Canyon ក្នុងខេត្ត Hunan ដែលមានប្រវែង ៤៣០ ម៉ែត្រ។

គួរបញ្ជាក់ថា តួស្ពាន Bach Long នៅវៀតណាម ធ្វើពីកញ្ចក់រឹងមាំបំផុត ឬហៅថាTemper Glass កម្រាស ៣ ជាន់ ដែលផលិតដោយក្រុមហ៊ុនឈានមុខគេរបស់បារាំង Saint Gobain។ ដោយឡែក ប្រព័ន្ធខ្សែកាបវិញ ត្រូវបាននាំចូលពីប្រទេសកូរ៉េខាងត្បូង។

នៅពេលបើក មនុស្សត្រឹម ៥០០ នាក់ប៉ុណ្ណោះដែលត្រូវបានអនុញ្ញាតឱ្យដើរលើស្ពានក្នុងពេលតែមួយដើម្បីសុវត្ថិភាព។

បច្ចុប្បន្ន ប្រទេសវៀតណាមកំពុងដាក់ពាក្យសុំកំណត់ត្រាពិភពលោក Guinness ជាស្ពានកញ្ចក់វែងជាងគេលើពិភពលោក។

• គម្រោងហេដ្ឋារចនាសម្ព័ន្ធ និងវិស្វកម្មធំៗ
• គម្រោងហេដ្ឋារចនាសម្ព័ន្ធ និងវិស្វកម្មធំៗ
• Mega Infrastructure and Engineering