វេទិកាពិភាក្សាទាក់នឹងសំណង់អគារខ្ពស់ៗលើកទី៧

• Proeksa Meas
• 29 ខែ​មីនា 2018
• ព័ត៌មានអចលនទ្រព្យ
• 158 មើល

Macusevans កាលពីដើមខែមីនានេះបានរៀបចំវេទិកាពិភាក្សាទាក់នឹងសំណង់អគារខ្ពស់ៗលើកទី៧ ឬ 7th Annual Vertical Cities នៅឯទីក្រុងបាងកក ប្រទេសថៃ ដែលមានអ្នកឯកទេសជំនាញសំខាន់ៗជាច្រើនរូបមកពីបណ្តាប្រទេសផ្សេងៗ បានមកជួបជុំគ្នាដើម្បីចែករំលែកចំណេះដឹងរបស់ពួកគាត់ទៅលើប្រធានបទផ្សេងៗគ្នាទាក់ទងនឹងឧស្សាហកម្មសំណង់អគារខ្ពស់ៗ។

វេទិកានេះត្រូវបានប្រារព្ធឡើងចាប់ពីថ្ងៃទី ៧ ដល់ថ្ងៃទី៩ ខែមីនានៅឯសណ្ឋាគារ The Peninsula Bangkok ។ វេទិកាទាំងមូលត្រូវបានបែងចែកជាពីរផ្នែកគឺ .Masterplanning& Vertical Intergration, និងEngineering, Construction & Smart Materialsដែលជាវាគ្មិនឯកទេសលើមុខវិជ្ជានីមួយៗបានអញ្ជើញឱ្យមកចែករំលែកចំណេះដឹងបច្ចេកទេសព្រមទាំងគម្រោងដែលកំពុងដំណើរការរបស់ខ្លួននាពេលបច្ចុប្បន្ន។

“វេទិកានេះផ្តល់នូវឱកាសដ៏ល្អចំពោះអ្នកចូលរួម ដើម្បីទទួលយកនូវបទពិសោធន៍ដោយផ្ទាល់ពីបណ្តាអ្នកដឹកនាំក្នុងវិស័យសំណង់អគារខ្ពស់ៗនេះ និងរបៀបដោះស្រាយបញ្ហា ព្រមទាំងការចែករំលែកនូវគន្លឹះនៃភាពជោគជ័យក្នុងទីផ្សារប្រកួតប្រជែងនាពេលបច្ចុប្បន្នផងដែរ” នេះបើតាមប្រសាសន៍របស់អ្នករៀបចំកម្មវិធី កញ្ញា Jenn See។

ក្រៅពីចំណេះដឹងដែលបានមកពីវាគ្មិនកម្មវិធី ក្នុងឆ្នាំនេះក៏មាននូវសកម្មភាពពិសេសៗជាក្រុម ដែលតំរូវអោយក្រុមនីមួយៗ សាងសង់អគារខ្ពស់ធ្វើពីសសៃ spaghetti ដោយប្រើភាពច្នៃប្រឌិតចំណេះដឹងនិងជំនាញពិសេសៗរបស់ពួកគេ។ លើសពីនេះទៅទៀត ក៏មានជាដំណើរទស្សនកិច្ចសិក្សាទៅកាន់ Magnolias Waterfront Residences អគារលំនៅដ្ឋានលំដាប់ថ្នាក់ពិភពលោកដែលបានឈ្នះរង្វាន់ជាច្រើនកាលពីឆ្នាំ ២០១៦ ចំពោះភាពប្រណិត ការរចនាស្ថាបត្យកម្ម និងការរចនាផ្នែកខាងក្នុង។