សណ្ឋាគារប្រេនFairfield by Marriott ដំបូងគេនៅកម្ពុជានឹងបង្ហាញខ្លួនក្នុងពេលឆាប់ៗនេះ

• 28 ខែ​មេសា 2018
• ព័ត៌មានអចលនទ្រព្យ
• 8 មើល

បន្ទាប់ពីបានចុះហត្ថលេខាលើកិច្ចព្រមព្រៀងជាមួយក្រុមហ៊ុន Marriott Internationalកាលពីខែឧសភាឆ្នាំ ២០១៧ កន្លងមកនេះ ក្រុមហ៊ុនRoyal Field Development Company Limited ដែលជាក្រុមហ៊ុនបុត្រសម្ព័ន្ធរបស់ Chip Mong Group បានកំណត់កាលបរិច្ឆេទបុកគ្រិះសាងសង់សណ្ឋាគារប្រេន Fairfield by Marriott ដំបូងគេនៅកម្ពុជាក្នុងខែសីហានេះ ហើយគ្រោងនឹងបើកដំណើរការក្នុងឆ្នាំ ២០២១ ខាងមុខនេះ។

បើតាមប្រសាសន៍របស់លោក Ken Nhan អគ្គនាយកផ្នែក New Business Development នៃក្រុមហ៊ុនជីប ម៉ុង គ្រុប បានអោយដឹងថា ៖ “នៅដំណាក់កាលនេះយើងកំពុងបញ្ចប់ការគូរប្លង់និងការរចនាស្ថាបត្យកម្មនៃអគារបន្ទាប់ពីយើងបានបញ្ចប់ការងារនេះរួចយើងនឹងចាប់ផ្តើមសាងសង់នៅខែសីហា ឬ ខែកញ្ញាខាងមុខនេះ” ។

លោក Ken Nhan បានបន្តទៀតថា ជីប ម៉ុង គ្រុបបានរៀបចំថវិកាប៉ាន់ប្រមាណចំនួន ១០០ លានដុល្លារសម្រាប់គម្រោងនេះ។

មានទីតាំងស្ថិតនៅបណ្ដោយមហាវិថីសហព័ន្ធរុស្សីជិតស្ពានអាកាស ៥ មករា សណ្ឋាគារនេះគ្រោងនឹងសាងសង់ជាអគារកម្រស់ ៤២ ជាន់ ហើយរំពឹងថានឹងបញ្ចប់ការសាងសង់ព្រមនឹងដាក់អោយដំណើរការក្នុងឆ្នាំ ២០២១។

សណ្ឋាគារ Fairfield by Marriott Phnom Penh គឺជាគម្រោងសណ្ឋាគារលំដាប់អន្តជាតិទី២ របស់ក្រុមហ៊ុនជីបម៉ុង គ្រុប ដែលនៅសណ្ឋាគារលំដាប់អន្តជាតិគឺសណ្ឋាគារ Hyatt Regency Phnom Penh ដែលបច្ចុប្បន្នកំពុងសាងសង់បានជិត ៥០ ភាគរយទៅហើយ (អានបន្ថែម) ។

គួរបញ្ជាក់ផងដែរថា សណ្ឋាគារប្រេន Marriott International នេះមានដើមកំណើតមកពីសហរដ្ឋអាមេរិកហើយបច្ចុប្បន្នមានសាខាជាង ៦០០០ កន្លែងក្នុង ១២២ ប្រទេសលើពិភពលោក។

• គម្រោងអភិវឌ្ឍន៍
• ធុរកិច្ច និងទីផ្សារ
• គម្រោងអភិវឌ្ឍន៍
• ធុរកិច្ច និងទីផ្សារ