សម្ដេចហ៊ុន សែន ព្រមានហាមបន្លំយកដីរដ្ឋ និងកាប់ឈើក្រោមលេសកប់សព និងធ្វើមឈូសអ្នកជំងឺកូវីដ

• 1 ខែ​កក្កដា 2021
• ព័ត៌មានអចលនទ្រព្យ
• 8 មើល

សម្ដេចនាយករដ្ឋមន្រ្តីហ៊ុន សែន បានប្រកាសកាលពីព្រឹកមិញនេះថា រដ្ឋបាលខេត្ត និងស្រុកនីមួយៗត្រូវបន្តវិធានការរៀបចំត្រៀមដីដើម្បីធ្វើជាកន្លែងបញ្ចុះ និងបូជាសពអ្នកជំងឺកូវីដឱ្យបានសមរម្យ ក៏ដូចជាត្រៀមឈើ និងប្រមូលទិញមឈូសមកស្ដុកទុកផងដែរ។

ប៉ុន្តែសម្ដេចក៏បានព្រមានថា ហាមមិនឱ្យមន្រ្តី និងអ្នកមានឥទ្ធិពលទាំងឡាយ ដែលរាស្រ្តហៅថាមន្រ្តីឃើញកន្ទេលធំបន្លំដេក ឆ្លៀតឱកាសនេះ ទន្រ្ទានយកដីរដ្ឋ និងបន្លំកាប់ឈើ ក្រោមលេសធ្វើក្តារមឈូស និងលេសធ្វើកន្លែងកប់សពជាដាច់ខាត។

សម្ដេចមានប្រសាសន៍ថា៖ «ត្រៀមដីឱ្យបានគ្រប់កន្លែង មួយខេត្តមិនមែនមានតែមួយទេ ព្រោះមិនមែនស្លាប់តែមួយកន្លែង។ ប៉ុន្តែសំខាន់បំផុតគឺកុំឆ្លៀតកាត់យកដី និងកាប់ឈើ សម្រាប់កប់សពកូវីដ ជាប្រយោជន៍ផ្ទាល់ខ្លួន កុំធ្វើទង្វើហ្នឹងដាច់ខាត»។

គួរបញ្ជាក់ផងដែរថា រដ្ឋាភិបាលគោរពរាល់សាសនា និងជនជាតិភាគតិច ដោយមិនត្រឹមតែមានឈាបនដ្ឋានបូជាទេ តែក៏បានត្រៀមធ្វើដីកន្លែងបញ្ចុះសពផងដែរ។ លើសពីនេះ ក្រសួងសេដ្ឋកិច្ចនិងហិរញ្ញវត្ថុនឹងជួយថវិកាឱ្យរដ្ឋបាលខេត្តនានាចាប់ផ្ដើមប្រមូលទិញមឈូស មកត្រៀមផងដែរ។

• កូវីដ ១៩
• កូវីដ ១៩