សម្តេចពិជ័យសេនា ទៀ បាញ់ ថា អគារទីស្តីការក្រសួងការពារជាតិថ្មី ដែលមានលក្ខណៈពិសេសជាច្រើន

• 10 ខែ​ធ្នូ 2021
• Uncategorized
• 9 មើល

អគារទីស្តីការថ្មីរបស់ក្រសួងការពារជាតិ ដែលត្រូវបានសាងសង់រួចរាល់ស្ទើរទាំងស្រុង មានលក្ខណ:ពិសេសជាច្រើនយ៉ាង ដោយមួយក្នុងនោះ គឺអាចឱ្យឧទ្ធម្ភាចក្រចុះចតលើដំបូលបានផងដែរ។ នេះបើយោងតាមការឱ្យដឹងពីសម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងរដ្ឋមន្ត្រីក្រសួងការពារជាតិ។

សម្តេចពីន័យសេនា ទៀ បាញ់ កាលពីថ្ងៃទី៨ ខែធ្នូ ឆ្នាំ២០២១ បានឱ្យដឹងថា៖ «ខ្ញុំពិតជាមានមោទនភាព និងសប្បាយរីករាយរួមជាមួយថ្នាក់ដឹកនាំក្រសួងការពារជាតិ អគ្គបញ្ជាការ ព្រមទាំងនាយទាហានជំនាញ បានចុះពិនិត្យការចុះចតយន្តហោះ ឧទ្ធម្ភាចក្រប្រភេទ Z-9 លើដំបូលអគារទីស្តីការក្រសួងការពារជាតិថ្មី ប្រកបដោយជោគជ័យ និងសុវត្ថិភាព»។

គួររំឭកដែរថា អគារក្រសួងការពារជាតិថ្មីនេះបើកការដ្ឋានសាងសង់ កាលថ្ងៃទី៣០ ខែមិថុនា ឆ្នាំ២០១៨ កន្លងមក។ អគារនេះមានកម្ពស់ ៧ជាន់ (ប្រហែល ៣២ម៉ែត្រ) ទទឹង ២៨ ម៉ែត្រ និងបណ្តោយ ១៩១ ម៉ែត្រ ព្រមទាំងមានចំណតរថយន្តក្រោមដីចំនួន ១ជាន់ ដែលមានផ្ទៃក្រឡាសរុប ៣០,៩៧៩ ម៉ែត្រការ៉េ។

បច្ចុប្បន្ន អគារទីស្តីការក្រសួងការពារជាតិថ្មី ត្រូវបានសាងសង់រួចរាល់ និងគ្រោងសម្ពោធដាក់ឱ្យប្រើប្រាស់ជាផ្លូវការក្រោមអធិបតីភាពសម្តេច ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី២៩ ខែធ្នូ ឆ្នាំ២០២១ខាងមុខ៕ (អានបន្ថែម)

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍