សម្តេច ហ៊ុន សែន នឹងប្រែមុខមាត់ខេត្តភាគឦសាន ទៅជាប៉ូលសេដ្ឋកិច្ចទី ៤ របស់កម្ពុជា

• 7 ខែ​កុម្ភៈ 2022
• ព័ត៌មានអចលនទ្រព្យ
• 7 មើល

សម្តេចនាយករដ្ឋមន្រ្តី ហ៊ុន សែន នឹងប្រែមុខមាត់ខេត្តភាគឦសានឱ្យក្លាយជាប៉ូលសេដ្ឋកិច្ចទី៤ របស់កម្ពុជា ព្រោះខេត្តទាំងនោះមានសក្តានុពលធំៗ ២ គឺ កសិ-ឧស្សាហកម្ម និងធនធានរ៉ែ។

សម្ដេចប្រកាសដូច្នេះ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៧ កាលពីថ្ងៃទី ៧ ខែកុម្ភៈ កន្លងទៅ។

«កម្ពុជាមានប៉ូលសេដ្ឋកិច្ច ៣ ធំៗ រាជធានីភ្នំពេញ ព្រះសីហនុ សៀមរាប ហើយតំបន់ភាគឦសាន នឹងក្លាយជាប៉ូលទី ២ ព្រោះមានសេដ្ឋកិច្ចកសិឧស្សាហកម្ម និងរ៉ែ» សម្ដេចមានប្រសាសន៍។

ជាក់ស្ដែង រ៉ែមាសនៅខេត្តមណ្ឌលគិរី មកទល់បច្ចុប្បន្នចម្រាញ់បានជាង ១៧០០ គីឡូ ហើយ ខណៈសម្ដេចថាភូមិភាគនេះនៅមានធនធានរ៉ែច្រើនទៀតដូចជា ធ្យូងថ្មជាដើម។

តំបន់ភាគឦសាននេះ នឹងត្រូវតភ្ជាប់ដោយផ្លូវជាតិលេខ៧នេះ គឺជាផ្លូវសក្ដានុពលមួយ តភ្ជាប់ពីរាជធានីភ្នំពេញ ឆ្លងកាត់ខេត្តសំខាន់ៗ ដូចជា ខេត្តកំពង់ចាម ត្បូងឃ្មុំ ក្រចេះ ស្ទឹងត្រែង និងឆ្ពោះទៅ មណ្ឌលគិរី រតនគិរី។

 

• គម្រោងអភិវឌ្ឍន៍
• គម្រោងអភិវឌ្ឍន៍