សឹង្ហបុរីគ្រោងការគិតគូរធំអំពីការបង្កើតស្រុកថ្មី

• Proeksa Meas
• 30 ខែ​មីនា 2017
• ព័ត៌មានអចលនទ្រព្យ
• 135 មើល

ការរៀបចំផែនការសម្រាប់ស្រុកផ្តាច់មុខថ្មីមួយនៅប្រទេសសឹង្ហបុរី កំពុងត្រូវបានដឹកនាំដោយក្រុមហ៊ុនហូឡង់មួយឈ្មោះថា KCAP Architect & Planners នេះបើតាមអាជ្ញាធរអភិវឌ្ឍន៍ឡើងវិញទីប្រជុំជនសឹង្ហបុរី (URA)។

ផែនការមេសម្រាប់ការប្រើប្រាស់ចម្រុះនេះបង្កើតឡើងសម្រាប់តំបន់ “Lakeside Gateway” នៅក្នុងស្រុក Jurong Lake ដែលតភ្ជាប់ទៅនឹងចំណតថ្មីនៃ ផ្លូវល្បឿនលឿនទីក្រុងកូឡាឡាំពួរ។

ផែនការនេះផ្តោតសំខាន់លើការបង្កើត “ស្រុកនាពេលអនាគត (district of the future)” ជាមួយនិងគំនិតមួយជុំវិញ “ការរួមបញ្ចូលគ្នានៃផ្លូវទឹកថ្មីមួយនិងតំបន់បៃតងជាច្រើននៅក្នុងស្រុក Jurong Lake ព្រមទាំងបង្ហាញអត្តសញ្ញាណដ៏រឹងមាំ និងដាច់ដោយឡែក” ហើយនេះនឹងក្លាយជាស្រុកពាណិជ្ជកម្មទីពីររបស់ប្រទេសសឹិង្ហបុរី។

ការតាំងពិព័រណ៍នៅពាក់កណ្តាលឆ្នាំ ២០១៧ ធ្វើឡើងដើម្បីវាស់ស្ទង់ពីការយល់ឃើញរបស់សាធារណជន មុនពេលសម្រេចជាចុងក្រោយលើផែនការនៅពេលក្រោយក្នុងឆ្នាំនេះ។