សឹង្ហបូរីម៉ៅទិញខុនដូនៅភ្នំពេញដើម្បីបើកជាលំនៅដ្ឋានប្រេន 85SOHO

• 27 ខែ​មេសា 2018
• ព័ត៌មានអចលនទ្រព្យ
• 9 មើល

LHN Group ដែលជាក្រុមហ៊ុនអចលនទ្រព្យល្បីឈ្មោះមួយនៅប្រទេសសឹង្ហបុរីកំពុងម៉ៅទិញខុនដូចំនួន ១០៨យូនិតរបស់គម្រោង Axis Residences ក្នុងតម្លៃប្រមាណ ១២,៥ លានដុល្លារ ក្នុងគោលបំណងដើម្បីអភិវឌ្ឍទៅជាលំនៅដ្ឋានសេវាកម្ម ឬ Serviced Residences ប្រេន 85SOHO នេះបើយោងទៅតាមរបាយការណ៍របស់សារព័ត៌មានអន្តរជាតិ The Straits Times។

ខុនដូចំនួន ១០៨ យូនិតនេះស្ថិតនៅក្នុងប្លុក 1A នៃគម្រោង Axis Residences ដែលបច្ចុប្បន្នកំពុងសាងសង់ដោយក្រុមហ៊ុន Spring CJW Development។ គម្រោងនេះមានទីតាំងស្ថិតនៅក្នុងខណ្ឌសែនសុខ ដែលជាគម្រោងខុនដូមានសរុបចំនួន ៥៦៦ យូនិត។

សារព័ត៌មានដដែលនេះបានបន្តទៀតថា ការដែលក្រុមហ៊ុន LHN មកបណ្ដាក់ទុននិងនាំចូលលំនៅដ្ឋានប្រេនអន្តជាតិ 85SOHO មកកាន់ប្រទេសកម្ពុជា គឺជាផ្នែកមួយនៃចក្ខុវិស័យនាពេលអនាគតរបស់ក្រុមហ៊ុនក្នុងការពង្រីកទំហំអាជីវកម្មផ្នែកអចលទ្រព្យរបស់ខ្លួន ក៏ដូចជាការពង្រឹងប្រេន 85SOHO ផងដែរ។

បើយោងតាមពីកិច្ចព្រមព្រៀងទិញលក់ ក្រុមហ៊ុនSpring CJW Development គ្រោងនឹងបញ្ចប់ការសាងសង់នៅខែធ្នូខាងមុខនេះ។ ប៉ុន្តែLHN Group ពុំទាន់បញ្ជាក់អោយដឹងថានឹងបើកដំណើរការ 85SOHO នៅពេលណានោះទេ។

• គម្រោងអភិវឌ្ឍន៍
• គម្រោងអភិវឌ្ឍន៍