សួនសត្វលំដាប់ពិភពលោក គ្រោងនឹងបើកសម្ពោធនៅខេត្តសៀមរាបឆ្នាំ២០២១

• 1 ខែ​ឧសភា 2019
• Uncategorized @km
• 6 មើល

រូបភាពដោយ Jon Rawlinson

សួនសត្វលំដាប់ពិភពលោក គ្រោងនឹងបើកដំណើរការ នៅឆ្នាំ២០២១ នៅខេត្តសៀមរាប ដើម្បីរួមចំណែកទាក់ទាញភ្ញៀវទេសចរ។

វិនិយោគដោយក្រុមហ៊ុន អង្គរ វ៉ាយដ៍ឡាយហ្វ៍ និង អឺឃ្វារៀម (Angkor Wildlife and Aquarium) សួនសត្វនេះ ជាទីតាំង ជលវប្បដ្ឋាន ឬអាងសម្រាប់ចិញ្ចឹមត្រីទឹកសាប ត្រីទឹកប្រៃ និងជម្រកអភិរក្សសត្វដ៏ធំនៅខេត្តសៀមរាប។

សួនសត្វនេះ មានឈ្មោះថា «ជលវប្បដ្ឋានក្រុងអង្គរ និងអាណាចក្រជម្រកសត្វ (Angkor Aquarium & Animal Kingdom)» ដោយគ្រោងនឹងសាងសង់នៅលើផ្ទៃដី ១០០ហិកតា ក្រោមទុនវិនិយោគ ៧០លានដុល្លារ ចែកចេញជាបីដំណាក់កាល។

ដំណាក់កាលទី១ នៃគម្រោងអភិវឌ្ឍន៍ នឹងចាប់ផ្ដើមក្នុងខែឧសភា ឆ្នាំ ២០១៩ និងគ្រោងបញ្ចប់ក្នុងខែឧសភា ឆ្នាំ២០២១ ដែលនឹងចំណាយទុនវិនិយោគប្រមាណ ១៨លានដុល្លារ។

ដំណាក់កាលទី២ គឺការបង្កើត សួនរុក្ខសាស្រ្ត សាលតាំងពិព័រណ៍ ជម្រកល្មូន និងដំណាក់កាលទី៣ គឺការអភិវឌ្ឍន៍សណ្ឋាគារលំដាប់ពិភពលោក។

ថ្លែងនៅក្នុងពិធីប្រកាសគម្រោង ដែលប្រារព្ធឡើងកាលពីថ្ងៃ២៩ ខែមេសា នៅភ្នំពេញ លោក Roger R. Reynolds, ប្រធានក្រុមហ៊ុន អង្គរ វ៉ាយដ៍ឡាយហ្វ៍ & អឹឃ្វារៀម បានមានប្រសាសន៍ថា ត្រឹមតែដំណាក់កាលទីមួយប៉ុណ្ណោះ ការបង្កើតភាពទាក់ទាញថ្មី នឹងទាក់ទាញភ្ញៀវទេសចរណ៍មកកាន់ខេត្តសៀមរាបកាន់តែច្រើន។

លោក Roger R. Reynolds ថ្លែងថា៖ «ខ្ញុំសង្ឃឹមថា គម្រោងនេះនឹងក្លាយជាគោលដៅលំដាប់ពិភពលោកនៅក្នុងខេត្តសៀមរាបនៅលើផ្ទៃដី ១០០ហិកតា។ គោលដៅរបស់យើងខ្ញុំគឺធានាថា វានឹងក្លាយជាគោលដៅទាក់ទាញបំផុតទី ២ បន្ទាប់ពីអង្គរវត្ត។

លោក ទិត ចន្ថា រដ្ឋលេខាធិការនៃក្រសួងទេសចរណ៍បានស្គវាមន៍ចំពោះគម្រោងជលវប្បដ្ឋាននេះ ដោយរំពឹងថា ជលវប្បដ្ឋាន និងជម្រកអភិរក្សសត្វនៅសៀមរាប នឹងទាក់ទាញភ្ញៀវទេសចរណ៍ ជាពិសេសការស្នាក់នៅរយៈពេលយូរនៅលើទឹកដីអង្គរ៕

• គម្រោងអភិវឌ្ឍន៍
• Urbanization and Architect
• ធុរកិច្ច និងទីផ្សារ
• ចំណេះដឹង និង បទពិសោធន៍
• គម្រោងអភិវឌ្ឍន៍
• នគរូបនីយកម្ម និងស្ថាបត្យកម្ម
• ធុរកិច្ច និងទីផ្សារ
• Knowledge and Key Success
• Business and Market
• ចំណេះដឹង និង បទពិសោធន៍
• Projects Development