ស្ពានអាកាសថ្មើរជើងនាងគង់ហ៊ីងនឹងលេចជារូបរាងពេញលេញនៅចុងឆ្នាំ២០១៨នេះ

• Proeksa Meas
• 19 ខែ​ឧសភា 2019
• Uncategorized
• 65 មើល

គម្រោងស្ពានអាកាសថ្មើរជើងនាងគង់ហ៊ីងនឹងត្រូវបានបញ្ចប់ជាស្ថារពរនៅចុងឆ្នាំ២០១៨ នេះបើយោងតាមប្រសាសសន៍របស់អ្នកនាំពាក្យសាលារាជធានីភ្នំពេញ លោក ម៉េត មាសភក្តី។ ដោយផ្អែកតាមគម្រោងមេ ស្ពាននេះគួរតែត្រូវបានសាងសង់រួចជាស្ថារពរនៅខែមេសាកន្លងទៅនេះ ដោយឡែកបើមើលតាមដំណើរការសាងសង់ជាក់ស្តែងគឺនៅមិនទាន់អាចបញ្ចប់បាននៅឡើយទេ។

ក្រុមហ៊ុនអាណិកជនកម្ពុជា (OCIC) បានបោះទុនវិនិយោគលើគម្រោងស្ពានអាកាសថ្មើរជើងមួយនេះក្នុងតម្លៃ ៣លានដុល្លារអាមេរិក ហើយបានចាប់ផ្តើមការសាងសង់តាំងពី ៧ខែមុនមកម្ល៉េះ។ គម្រោងមួយនេះគឺជាផ្នែកមួយនៃការឈ្នះពានរង្វាន់លើការអភិវឌ្ឍន៍ទីក្រុងអូឡាំព្យា (Olympia City)។ ស្ពានអាកាសមួយខ្សែនេះគឺត្រូវបានតភ្ចាប់គ្នា៥ចំនុចប្រសប់នៅលើរង្វង់មូលនាងគង់ហ៊ីង។

ក្នុងនោះដែរស្ពានអាកាសថ្មើរជើងនាងគង់ហ៊ីុងនឹងជួយសម្រួលដល់ប្រជាពលរដ្ឋ ក្នុងការធ្វើដំណើរដោយថ្មើរជើងដើម្បីឆ្លងផ្លូវទៅមក ក៏ដូចជាការសម្រួលដល់ចរាចរណ៍ធ្វើដំណើរនិងកាត់បន្ថយគ្រោះថ្នាក់ចរាចរណ៍បានមួយកម្រិតទៀតផងដែរ។