អគារដ្ឋបាលក្រុងបូកគោនឹងត្រូវសាងសង់ ២ ទីតាំង ដើម្បីបង្កភាពងាយស្រួលប្រជាពលរដ្ឋ

• 8 ខែ​កុម្ភៈ 2022
• Uncategorized
• 7 មើល

រដ្ឋបាលក្រុងបូកគោ នឹងមានអគាររដ្ឋបាលថ្មី១ កន្លែងទៀត បន្ថែមលើកន្លែងមានស្រាប់ ពោលគឺសរុបទាំងអស់ ២ ទីតាំង ដើម្បីបង្ខិតការផ្តល់សេវាសាធារណៈ ឱ្យជិតប្រជាពលរដ្ឋ។

សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានដឹកនាំមន្រ្តីចុះត្រួតពិនិត្យ ទីតាំងសង់អគាររដ្ឋបាលទាំង ២ នេះ កាលពីថ្ងៃទី ៧ ខែកុម្ភៈ កន្លងទៅ។

សម្តេច ស ខេង បានមានប្រសាសន៍ថា ដើម្បីបង្កើនភាពងាយស្រួល និងឆាប់រហ័សក្នុងការបម្រើសេវាផ្សេងៗជូនប្រជាពលរដ្ឋ រដ្ឋាភិបាលបានសម្រេចរៀបចំទីតាំងអគាររដ្ឋបាលក្រុងបូកគោជា ២កន្លែង គឺទី ១នៅសាលាក្រុងចាស់ក្បែរច្រកចូលឧទ្យានជាតិព្រះមុនីវង្សបូកគោ និងទី ២ នៅក្បែរកាស៊ីណូចាស់លើភ្នំបូកគោ ។

សម្តេច បន្ដថា ភូមិសាស្ត្រក្រុងបូកគោបច្ចុប្បន្នមានធំទូលាយ នៅថ្ងៃអនាគត ក្រុងថ្មីនេះអាចនឹងមានប្រជាជនមករស់នៅកាន់តែច្រើន ពិសេសនៅលើភ្នំបូកគោដែលកំពុងមានការអភិវឌ្ឍ។

 

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍