អគារថ្មីកម្ពស់ ១៤ជាន់ របស់ក្រសួងព័ត៌មានសាងសង់សម្រេចបានជិត ៩០% ហើយ

• 1 ខែ​កក្កដា 2022
• Uncategorized
• 7 មើល

ដំណើរការសាង់សង់អគារថ្មី កំពស់១៤ជាន់ របស់ក្រសួងព័ត៌មាន មកដល់ពេលនេះ សម្រេច​បាន​ប្រមា​ណ​ជិត ៩០%ហើយ ដោយគ្រោងនឹងបញ្ចប់ឆាប់ៗនេះ។ នេះបើយោង​តាមកិច្ច​ចុះ​ពិនិត្យ​ការ​ដ្ឋាន​របស់​រដ្ឋមន្ត្រី​ក្រសួង​ព័ត៌មាន​ ឯកឧត្តម ខៀវ កាញារីទ្ធ កាលពីថ្ងៃទី ០១ ខែកក្កដា ឆ្នាំ២០២២។

អគារថ្មីនេះ មានទីតាំងស្ថិតក្នុងបរិវេណក្រសួងព័ត៌មានផ្ទាល់តាមបណ្តោយផ្លូវមុន្នីវង្ស អគារថ្មីនេះ មានកម្ពស់ ១៤ជាន់ បណ្តោយ ៦៥ ម៉ែត្រ ទទឹង ១៤ ម៉ែត្រ។

អគារថ្មីនេះ រួមមានអគ្គនាយកដ្ឋានទីភ្នាក់ងារសារពត៌មានកម្ពុជា AKP អគ្គនាយកដ្ឋានសារពត៌មាន និងសោត ទស្សន៍ថ្មី បន្ទប់ប្រជុំធំ បន្ទប់ប្រជុំតូចៗ និងការិយាល័យបន្ទប់បំពេញការងារជាង ៣០០បន្ទប់។

គម្រោងសាងសង់នេះ បានបើកការដ្ឋាន កាលព្រឹកថ្ងៃទី៤ ខែធ្នូ ឆ្នាំ២០១៩ កំពុងសាងសង់ដោយក្រុមហ៊ុន ឃុនសៀ ឌីវីឡុបមិន​គ្រុប សហការជាមួយក្រុមហ៊ុនចិន BELLETONE ប្រើពេលសរុប ២៤ខែ។

បើតាមការបញ្ជាក់របស់មេការសំណង់ បានឱ្យដឹងថា មកទល់ពេលនេះ ក្រុមការងារ បានសាងសង់សម្រេចបាន​ជិត​៩០ ភាគរយហើយ ដែលគ្រោងនឹងបញ្ចប់ឆាប់ៗនេះ។​

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍