អាជ្ញាធរខេត្តបាត់ដំបងបើកការដ្ឋានជួសជុលផ្លូវចំនួន ៦ខ្សែ ក្នុងក្រុងបាត់ដំបង

• Sommana Yan
• 25 ខែ​មករា 2022
• 189 មើល

អាជ្ញាធរខេត្តបាត់ដំបង កាលពីថ្ងៃទី ២៥ ខែមករា កន្លងទៅ បានបើកការដ្ឋានលើកកម្ពស់គុណភាពផ្លូវសំខាន់ៗចំនួន ៦ខ្សែ និងជួសជុលផ្លូវសំបុកមាន់មួយចំនួនទៀតនៅក្នុងក្រុងបាត់ដំបង។

ផ្លូវទាំង ៦ ខ្សែ ដែលនឹងត្រូវជួសជុលដោយក្រាលកៅស៊ូប្រភេទ DBST រួមមាន ផ្លូវលេខ ៥២៦ ផ្លូវលេខ ៦១៤ ផ្លូវលេខ ៥៣០ ផ្លូវលេខ ៧១៦ ផ្លូវលេខ ១៣៩ ផ្លូវលេខ ១១១ ដែលប្រវែងសរុបប្រមាណ ៥,៦ គីឡូម៉ែត្រ។

ក្រៅពីការងារជួសជុល អាជ្ញាធរខេត្តបាត់ដំបង ក៏បានបញ្ជាឱ្យមានការរៀបចំសណ្ដាប់ធ្នាប់ អនាម័យ តាមដីចំណីផ្លូវសាធារណៈ សំណង់អាណាធិបតេយ្យ និងការលក់ដូរឱ្យមានរបៀបរៀបរយជាងមុន។