២០២៣-ថៃរំពឹងស្រូបលំហូរទុនពីបរទេសជាង ៣ពាន់លានដុល្លារ ដោយផ្អែកលើកត្តាទាំងនេះ

• Sommana Yan
• 26 ខែ​កុម្ភៈ 2023
• Uncategorized @km
• 94 មើល

ក្នុងឆ្នាំ២០២៣នេះ ប្រទេសថៃរំពឹងនឹងទទួលបានលំហូរវិនិយោគទុនពីបរទេស ជាអប្បបរមា ១០០ពាន់លានបាត ឬស្មើនឹង ៣ពាន់លានបាត។

សកម្មភាពវិនិយោគដ៏សកម្មត្រូវបានគាំទ្រដោយការពង្រីករោងចក្រ សហគ្រាសផលិតកម្ម ដែលវិនិយោគដោយក្រុមហ៊ុនបរទេស នៅក្នុងប្រទេសថៃ លើទីផ្សារសក្តានុពលសំខាន់ៗ ចំនួន ៦ រួមមាន ផលិតកម្មយានយន្តអគ្គិសនី កសិកម្ម អាហារ ជីវបច្ចេកវិទ្យា ទេសចរណ៍ សុខាភិបាល និងអាជីវកម្មឌីជិថលផ្សេងៗទៀត ជាពិសេសដោយសារការបើកដំណើរការប្រទេសពេញលេញទាំងលើវិស័យទេសចរណ៍ និងការវិនិយោគ។ នេះបើយោងតាមលោក Sinit LertKrai អនុរដ្ឋលេខាធិការក្រសួងពាណិជ្ជកម្មថៃ បានបញ្ជាក់ប្រាប់កាសែតបាងកកប៉ុស្តិ៍។

លើសពីនេះ កំណើនវិនិយោគនេះក៏ទទួលបានការគាំទ្រដោយការអភិវឌ្ឍហេដ្ឋារចនាសម្ព័ន្ធក្នុងច្រករបៀងសេដ្ឋកិច្ចបូព៌ា (EEC) ដែលមានការរួមសហការរវាងនាយករដ្ឋមន្ត្រីថៃ និងជាប្រធានគណៈកម្មាធិការច្រករបៀងសេដ្ឋកិច្ចភាគខាងកើត (EEC) បានជំរុញឱ្យពន្លឿនការសាងសង់គម្រោងផ្លូវដែកល្បឿនលឿននេះ ដើម្បីធានាបាននូវប្រព័ន្ធដឹកជញ្ជូនដ៏ទំនើប ងាយស្រួល លឿនបំផុត ដើម្បីតភ្ជាប់អាកាសយានដ្ឋានធំៗបី ។ (អានបន្ថែម )

ត្រឹម១ខែក្នុងខែមករា ឆ្នាំ២០២៣នេះ រដ្ឋបានអនុម័តគម្រោងវិនិយោគសរុបរហូតដល់ ៥២ គម្រោង ក្រោមទុនវិនិយោគសរុបចំនួន ៥,១២ពាន់លានបាត។ ប្រទេសវិនិយោគច្រើនជាងគេ គឺប្រទេសជប៉ុន ទុន ៣,៥៨ពាន់លានបាត ប្រទេសចិន ទុន ៥៤៨ លានបាត ប្រទេសសិង្ហបុរី ទុន ៤១០លានបាត ប្រទេសអង់គ្លេស ទុន ៩៨លានបាត និងសហរដ្ឋអាមេរិក ទុន ៩លានបាត។

លោក Sinit ឱ្យដឹងថា អាជីវកម្មដែលទទួលបានអាជ្ញាប័ណ្ណកាលពីខែមុនផ្តោតជាសំខាន់លើការអភិវឌ្ឍហេដ្ឋារចនាសម្ព័ន្ធ ស្របតាមគោលនយោបាយរបស់ប្រទេស ក្នុងការលើកកម្ពស់ការវិនិយោគ និងបង្កើនការប្រកួតប្រជែង ដូចជា ការរចនា លទ្ធកម្ម ប្រភព ការដំឡើង ការធ្វើតេស្តប្រព័ន្ធ សមាហរណកម្មប្រព័ន្ធ និងគម្រោងផ្លូវដែកអគ្គិសនី៕