៨ខែដំបូង ឆ្នាំ២០២១ រដ្ឋអនុម័តគម្រោងសំណង់ជិត៣ពាន់គម្រោង តម្លៃសរុប ៣,៨ប៊ីលានដុល្លារ

• 11 ខែ​តុលា 2021
• 13 មើល

ក្រសួងរៀបចំដែនដី នគរូបនីយកម្ម និងសំណង់ បានអនុម័តសំណើសុំសាងសង់សរុប ២ ៩០១គម្រោង នៅក្នុងរយៈពេល៨ ខែ ដំបូងនៃឆ្នាំ២០២១ នេះ ដែលធ្លាក់ចុះ៤៤៩ គម្រោង បើធៀបនឹងរយៈពេលដូចគ្នាកាលពីឆ្នាំមុន។

យោងតាមរបាយការណ៍ “និន្នាការសេដ្ឋកិច្ច សង្គម” របស់ក្រសួងសេដ្ឋកិច្ច និងហិរញ្ញវត្ថុ គម្រោងទាំងអស់នេះ មានតម្លៃគម្រោងសរុប ៣ ៨៤៣ លានដុល្លារ ដែលក៏បានធ្លាក់ចុះ ២៤,៤% បើធៀបនឹងរយៈពេលដូចគ្នាកាលពីឆ្នាំមុន។

ប្រភពដដែលបញ្ជាក់ថា ក្នុងចំណោមគម្រោងទាំងអស់ ប្រភេទសំណង់លំនៅដ្ឋាន មាន ២ ៥៣០គម្រោង ឬស្មើនឹង៨៧,២% នៃសំណើសុំសាងសង់សរុប ដែលបានធ្លាក់ចុះ១៥% ធៀបនឹងរយៈពេលដូចគ្នាកាលពីឆ្នាំមុន។

គួរបញ្ជាក់ថា កាលពីឆ្នាំ២០២០កន្លងទៅ តម្លៃគម្រោងស្នើសុំសាងសង់សរុបមានដល់ទៅ ៧,៧៥ប៊ីលានដុល្លារ ធ្លាក់ចុះ ៣២% បើធៀបនឹងឆ្នាំ២០១៩៕

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍