៩ខែ ខេត្តក្រចេះរកចំណូលបានជិត ៥០០លានរៀល តាមរយៈសេវាច្រកចេញចូលតែមួយ

• 15 ខែ​វិច្ឆិកា 2025
• Uncategorized
• 1 មើល

ក្នុងរយៈពេល៩ខែ ដើមឆ្នាំ២០២៥ គិតចាប់ពីថ្ងៃទី២៦ ខែធ្នូ ឆ្នាំ២០២៤ រហូតដល់ថ្ងៃទី២៥ ខែកញ្ញា ឆ្នាំ២០២៥ អង្គភាពច្រកចេញចូលតែមួយខេត្តក្រចេះ បានបម្រើសេវាជូនប្រជាពលរដ្ឋសរុបចំនួន ៣.៥៥៣សេវា និងទទួលបានចំណូលសរុបជិត ៥០០លានរៀល។ នេះបើយោងហ្វេសប៊ុករបស់ក្រសួងមហាផ្ទៃ កាលថ្ងៃទី១១ ខែវិច្ឆិកា ឆ្នាំ២០២៥។

ប្រភពដដែល បានបន្តថា ក្នុងរយៈពេល ៩ខែនោះ សេវាប្រជាពលរដ្ឋស្នើសុំច្រើនជាងគេរួមមាន៖ វិស័យកសិកម្ម រុក្ខាប្រមាញ់ និងនេសាទចំនួន ១.៤៣៤សេវា វិស័យរៀបចំដែនដីនគរូបនីយកម្មសំណង់ និង សុរិយោដីចំនួន ៨១៣សេវា (តាមប្រព័ន្ធអនឡាញបានចំនួន ៤៦០សេវា) វិស័យសាធារណការ និងដឹកជញ្ជូនចំនួន៥៤៣សេវា វិស័យឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ចំនួន១៣២សេវាការងារនីត្យានុកូលកម្មផ្តល់បានចំនួន៨១សេវា វិស័យព័ត៌មានចំនួន៣១សេវា វិស័យសុខាភិបាលចំនួន២៤សេវា វិស័យទេសចរណ៍ចំនួន១៦សេវា ការងាររដ្ឋបាលចំនួន១០ សេវា និងវិស័យរ៉ែ និងថាមពលមានចំនួន៩ សេវា។

គួរបញ្ជាក់ថា អង្គភាពច្រកចេញចូលតែមួយនៃរដ្ឋបាលខេត្តក្រចេះ បានដាក់ឱ្យដំណើរការកាលពីថ្ងៃទី២៧ ខែសីហា ឆ្នាំ២០១៨។ រដ្ឋបាលខេត្តក្រចេះ ក៏បានប្តេជ្ញាបន្តជំរុញឱ្យគ្រប់យន្តការច្រកចេញចូលតែមួយ ចាប់ពីថ្នាក់ខេត្ត ដល់ឃុំ សង្កាត់ ខិតខំយកចិត្តទុកដាក់ផ្តល់សេវាជូនប្រជាពលរដ្ឋឱ្យបានល្អ និងកាន់តែមានប្រសិទ្ធភាព និងប្រសិទ្ធផលខ្ពស់ថែមទៀត៕

• Funds