ផលប្រយោជន៍នយោបាយនៅពីក្រោយរឿងក្តីកាស៊ីណូ Baha Mar៖ តុលាការក្រុងញ៉ូវយ៉ក ឱ្យក្រុមហ៊ុនចិនបង់ប្រាក់ចំនួន $១,៦ពាន់លាន

១៥ ខែវិច្ឆិកា ឆ្នាំ ២០២៤
ព័ត៌មានសំណង់
2421 មើល

តុលាការក្រុងញូវយ៉កបានបញ្ជាឱ្យក្រុមហ៊ុន China Construction America Inc. (CCA) ដែលជាក្រុមហ៊ុនបុត្រសម្ព័ន្ធរបស់រដ្ឋចិន China State Construction Engineering ឱ្យបង់ប្រាក់ចំនួន ១,៦ ពាន់លានដុល្លារអាមេរិកដល់ក្រុមហ៊ុន BML Properties ដែលជាម្ចាស់ដើមនៃរមណីយដ្ឋានកាស៊ីណូ Baha Mar ក្នុងប្រទេស Bahamas បន្ទាប់ពី អ្នកម៉ៅការត្រូវបានរកឃើញថាបានប្រព្រឹត្ត “អំពើក្លែងបន្លំជាច្រើន” កំឡុងពេលកាន់កាប់គម្រោង។ សេចក្តីសម្រេចនេះ គឺជាជ័យជំនះផ្លូវច្បាប់ដ៏សំខាន់មួយសម្រាប់ស្ថាបនិកក្រុមហ៊ុន BML លោក Sarkis Izmirlian ដែលបានដាក់បណ្តឹងកាលពីឆ្នាំ ២០១៧។ សាលក្រមនេះ ក៏រួមបញ្ចូលទាំងការតម្រូវឱ្យសងសំណងចំនួន ៨៤៥ លានដុល្លាររបស់ BML បូកនឹងការប្រាក់បង្គរចាប់តាំងពីខែឧសភា ២០១៤ ខណៈក្រុមហ៊ុន CCA ប្តេជ្ញាប្តឹងឧទ្ធរណ៍ចំពោះការសម្រេចចិត្តនេះ នេះបើតាមសារៈព័ត៌មាន scmp ចុះថ្ងៃទី ២៤ ខែតុលា ឆ្នាំ ២០២៤។

គម្រោង Baha Mar ដែលដំបូងឡើយ ជាគម្រោងអភិវឌ្ឍន៍មានបំណងក្លាយជាគោលដៅទេសចរណ៍និងរមណីយដ្ឋានប្រណីតលំដាប់ពិភពលោក បានប្រឈមមុខនឹងប្រវត្តិបញ្ហាបណ្តឹងដ៏ចម្រូងចម្រាស់ ចាប់ផ្តើមជាមួយនឹងការស្វែងរកហិរញ្ញប្បទានរបស់លោក Izmirlian ក្នុងអំឡុងវិបត្តិហិរញ្ញវត្ថុសកលឆ្នាំ ២០០៨។ ដោយទទួលបានប្រាក់កម្ចីចំនួន ២,៤៥ ពាន់លានដុល្លារពីធនាគារ Exim Bank របស់ប្រទេសចិន គាត់បានទទួលយកលក្ខខណ្ឌដែលតម្រូវឱ្យក្រុមហ៊ុន CCA បម្រើជាអ្នកម៉ៅការទូទៅ ក្នុងការនាំចូលកម្មករចិនរហូតដល់ ៨០០០ នាក់។ ក្រុមហ៊ុន CCA ក៏បានចូលរួមវិភាគទានចំនួន ១៥០ លានដុល្លារអាមេរិកជាមួយនឹងការវិនិយោគចំនួន ៨៤៥លានដុល្លាររបស់ក្រុមហ៊ុន BML Properties សម្រាប់ចំណាយតាមដំណាក់កាល លើគម្រោងវិនិយោគដ៏ធំសម្បើមនៅតំបន់ការ៉ាប៊ីន។

ដើមឡើយគ្រោងនឹងបើកដំណើរការនៅខែធ្នូ ឆ្នាំ ២០១៤ ប៉ុន្តែរមណីយដ្ឋាននេះ បាន ពន្យារពេល និងទទួលការបរាជ័យជាច្រើនលើក ហើយទីបំផុតបានដាក់ពាក្យក្ស័យធនក្នុងខែមិថុនា ឆ្នាំ ២០១៥ ទាំងដែលការសាងសង់រមណីដ្ឋាន Baha Mar ត្រូវបានគេរាយការណ៍ថាបានរួចរាល់ ៩៧%ទៅហើយ។ ពាក្យបណ្ដឹងនេះ បានសំអាងហេតុដោយលើកឡើងពីការងារមិនល្អដោយចេតនារបស់ក្រុមហ៊ុន CCA និងបញ្ហាសំណង់មិនស្របតាមស្តង់ដារ។ ទោះបីជាមានការព្យាយាមរបស់លោក Izmirlian ដើម្បីរក្សាការគ្រប់គ្រង និងនាំយកអ្នកម៉ៅការផ្សេងក៏ដោយ ក៏រដ្ឋាភិបាល Bahamian ដែលចាត់ទុករមណីយដ្ឋាននេះជាអាទិភាពជាតិនោះ និងបានផ្ទេរកម្មសិទ្ធិរមណីយដ្ឋានទៅឱ្យម្ចាស់បំណុលវិញ ព្រមទាំងបាន បញ្ឈប់ការសាងសង់អស់រយៈពេលជាងមួយឆ្នាំ។

យុទ្ធសាស្ត្រទិញយករបស់ Chow Tai Fook

បន្ទាប់ពីការផ្អាកយូរ រដ្ឋាភិបាល Bahamian បានចុះកិច្ចព្រមព្រៀងដើម្បីបន្តការសាងសង់ឡើងវិញ ដោយបានស្វែងរកអ្នកទិញថ្មី។ ក្រុមហ៊ុន Chow Tai Fook Enterprises ដែលមានមូលដ្ឋាននៅទីក្រុងហុងកុង ដែលល្បីល្បាញដោយសារអាជីវកម្មគ្រឿងអលង្ការរបស់ខ្លួន និងគ្រប់គ្រងដោយគ្រួសារ Cheng ទីបំផុតបានក្លាយជាអ្នកទិញយករមណីដ្ឋានខ្នាតយក្សនេះ ដោយទទួលបាននូវការបញ្ចុះតម្លៃយ៉ាងសន្ធឹកសន្ធាប់។ ឥឡូវនេះ Chow Tai Fook បានបើកដំណើរការ Baha Mar តាំងពីខែមេសា ឆ្នាំ ២០១៧ ដែលមានកាស៊ីណូដ៏ធំបំផុតរបស់តំបន់ Caribbean បន្ទប់សណ្ឋាគារចំនួន ១៨០០ នៅទូទាំងសណ្ឋាគារចំនួនបី មានកន្លែងស្ប៉ា មជ្ឈមណ្ឌលសន្និបាត ការលក់រាយប្រណីត និងទីលានវាយកូនហ្គោលដែលរចនាដោយ Jack Nicklaus ថែមទៀតផង។

ផលប៉ះពាល់ជាយុទ្ធសាស្ត្រសម្រាប់ Chow Tai Fook និងប្រទេសចិន

អ្នកជំនាញផ្នែកឧស្សាហកម្ម បានចាត់ទុកការទិញយករបស់ Chow Tai Fook ថាមានអត្ថប្រយោជន៍ទៅវិញទៅមកសម្រាប់ក្រុមហ៊ុន និងរដ្ឋាភិបាលចិន ដោយស្របតាមយុទ្ធសាស្ត្រទូលំទូលាយនៃភូមិសាស្ត្រ និងការធ្វើពិពិធកម្មអាជីវកម្ម។ លោក Michael Zhu ដែលពេលនោះជាអនុប្រធានក្រុមហ៊ុន The Innovation Group បានគូសបញ្ជាក់ថា ការទិញយក Baha Mar តំណាងឱ្យ “យុទ្ធសាស្ត្រឈ្នះ-ឈ្នះសម្រាប់ Chow Tai Fook និងរដ្ឋាភិបាលចិន” ដោយសារវាបានជួយពង្រីកវត្តមានរបស់ពួកគេនៅទូទាំងពិភពលោក។

សេចក្តីសម្រេចឱ្យសងប្រាក់ ១,៦ ពាន់លានដុល្លារអាមេរិកប្រឆាំងនឹងក្រុមហ៊ុន CCA បន្ថែមជំពូកថ្មីមួយទៀតទៅរឿងក្តី Baha Mar ដោយបង្ហាញឱ្យឃើញពីអន្តរកម្មដ៏ស្មុគស្មាញរវាងហិរញ្ញវត្ថុសកល ការសាងសង់ និងគណនេយ្យភាពផ្លូវច្បាប់នៅក្នុងការអភិវឌ្ឍន៍អចលនទ្រព្យដែលមានភាគហ៊ុនខ្ពស់ និងអ្វីដែលពិសេសជាងគេនោះ គឺនយោបាយនៅពីក្រោយរឿងក្តីនេះ។ នៅពីក្រោយរឿងក្តីអចលនទ្រព្យដ៏ធំមួយដែលអូសបន្លាយជាច្រើនឆ្នាំ គឺជាការប្រទាញប្រទង់ផលប្រយោជន៍គ្នារវាងប៉ូលនយោបាយនៃប្រទេសមហាអំណាចពីរ គឺអាមេរិក និងចិន។ ថ្វីត្បិតតែតុលាការអាមេរិកចេញសេចក្តីសម្រេចឱ្យក្រុមហ៊ុនបុត្រសម្ព័ន្ធបង់ប្រាក់សំណងដ៏ច្រើនសន្ធឹកសន្ធាប់ ប៉ុន្តែក្នុងដំណាក់កាលចុងក្រោយ អ្នកដែលកំពុងតែកាន់កាប់រមណីយដ្ឋានដ៏ធំសម្បើមនេះ និងកំពុងទទួលបានផលចំណេញច្រើនបំផុតចេញពីលទ្ធផលនៃរឿងក្តីអចលនទ្រព្យដ៏ធំនេះ គឺក្រុមហ៊ុន និងរដ្ឋាភិបាលចិនដែលនឹងពង្រីកឥទ្ធិពលរបស់ខ្លួននៅតំបន់ខារ៉ាប៊ីន៕

- Video Advertisement -

ព័ត៌មានដែលទាក់ទង

បុរី ប៉េង ហួត បើកការលក់ Pre-Sale គម្រោងថ្មីក្នុងតំបន់ច្បារអំពៅ

២៧ ខែកុម្ភៈ ឆ្នាំ ២០២៦

ព្រឹត្តិការណ៍លក់ជូនអតិថិជនមុនគេក្នុងរយៈពេលបីថ្ងៃនេះ គឺជាឱកាសដ៏វិសេសវិសាលដើម្បីទទួលបានទីតាំងល្អបំផុតក្នុងសហគមន៍លំនៅឋានលំដាប់ខ្ពស់ ហ្គ្រេនស្ដា ផ្លាទីនីម បុរី ប៉េង ហួត បន្តដើរតួនាទីយ៉ាងសំខាន់ក្នុងការកំណត់បទដ្ឋានថ្មីនៃលំនៅឋានលំដាប់ខ្ពស់នៅកម្ពុជា តាមរយៈការប្រកាសបើកលក់ជាផ្លូវការនូវគម្រោងថ្មីបំផុតរបស់ខ្លួនដែលមានឈ្មោះថា ភូមិនិម្មិត។ បន្ទាប់ពីទទួលបានជោគជ័យក្នុងពិធីបុកគ្រឹះបញ្ចុះបឋមសិលាកាលពីចុងខែមករាកន្លងទៅ ឥឡូវនេះ បុរី ប៉េង ហួត បានប្រកាសបើកលក់ Pre-Sale គម្រោង ភូមិនិម្មិត នៅថ្ងៃទី ៦-៧-៨ ខែមីនា ឆ្នាំ២០២៦ ចាប់ពីម៉ោង ៩ ព្រឹក ដល់ម៉ោង ៦ ល្ងាច ទីតាំងផ្ទះគំរូ វីឡា ឃីង ហ្គ្រេន គម្រោង ហ្គ្រេនស្ដា ផ្លាទីនីម ដើម្បីឱ្យអតិថិជនអាចជ្រើសរើសទីតាំងពិសេសៗ បានមុនគេ។ គម្រោង ភូមិនិម្មិត មានទីតាំងក្នុងដំណាក់កាលទី ៣ នៃគម្រោង ហ្គ្រេនស្ដា ផ្លាទីនីម ក្នុងតំបន់បឹងស្នោ សង្កាត់ច្បារអំពៅ ដែលតំបន់ដ៏មានសក្ដានុពលមួយក្នុងរាជធានីភ្នំពេញ។ គម្រោងថ្មីនេះ ជាចំណុចកណ្ដាលរវាងតំបន់ ៦០ ម៉ែត្រ និងតំបន់ច្បារអំពៅ នៅពេលដែលស្ពានព្រែកប្រាចាក់អង្រែក្រោមចាប់ផ្ដើមបើកដំណើរការឆាប់ៗខាងមុខនេះ។ ទីតាំងកម្មវិធី […]

ក្រុមហ៊ុន KNN ដាក់សម្ពោធផលិតផលជប៉ុន YOKODA ជាផ្លូវការក្នុងទីផ្សារកម្ពុជា

២៤ ខែកុម្ភៈ ឆ្នាំ ២០២៦

ថ្ងៃទី ២២ ខែ កុម្ភះ ឆ្នាំ ២០២៦ ក្រុមហ៊ុន ខេ អិន អិន ខេមបូឌា ដែលជាក្រុមហ៊ុនផ្គត់ផ្គង់ និងចែកចាយគ្រឿងចក្រធុនធ្ងន់ឈានមុខគេក្នុងព្រះរាជាណាចក្រកម្ពុជា បានរៀបចំពិធីសម្ពោធជាផ្លូវការនូវផលិតផលជប៉ុនម៉ាកយីហោ YOKODA ដោយជោគជ័យ នៅភោជនីយដ្ឋាន ដឹ ព្រេមៀរ ផាលេស រាជធានីភ្នំពេញ ក្រោមបរិយាកាសដ៏អធិកអធម និងមានវត្តមានភ្ញៀវកិត្តិយសយ៉ាងច្រើនកុះករ។ ពិធីនេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ អ្នកឧកញ៉ាជាម ឃុនណាត ប្រធានក្រុមប្រឹក្សាភិបាល នៃក្រុមហ៊ុន ខេ អិន អិន គ្រុប ដោយមានការចូលរួមពីម្ចាស់ក្រុមហ៊ុនសំណង់ អ្នកអភិវឌ្ឍហេដ្ឋារចនាសម្ព័ន្ធ កំពង់ផែ ម្ចាស់អាជីវកម្មក្នុងវិស័យរ៉ែ ដៃគូអាជីវកម្ម អ្នកសារព័ត៌មាន អ្នកផលិតមាតិកា និងគណៈគ្រប់គ្រងក្រុមហ៊ុន។ ក្នុងកម្មវិធីនេះ ក៏មានការដាក់តាំងបង្ហាញគ្រឿងចក្រ និងប្រេងរំអិល YOKODA ផ្ទាល់ សម្រាប់អតិថិជនទស្សនា សាកសួរព័ត៌មាន និងស្វែងយល់អំពីបច្ចេកវិទ្យា និងសមត្ថភាពប្រតិបត្តិការផងដែរ។ ក្នុងឱកាសនោះ អ្នកឧកញ៉ា ជាម ឃុនណាត បានមានប្រសាសន៍ថា៖ […]

កម្ពុជា-បារាំង៖ ពង្រឹងចំណងពាណិជ្ជកម្មជាមួយក្រុមហ៊ុនយក្សបារាំង ដើម្បីជំរុញការវិនិយោគនៅកម្ពុជា

៤ ខែកុម្ភៈ ឆ្នាំ ២០២៦

ចំណងជើងរង៖ លោកជំទាវ ចម និម្មល ជួបពិភាក្សាជាមួយសហព័ន្ធធុរកិច្ចបារាំង MEDEF International និងក្រុមហ៊ុនធំៗចំនួន ៦ នៅទីក្រុងប៉ារីស ដើម្បីបង្ហាញពីកំណែទម្រង់ច្បាប់ និងបរិយាកាសវិនិយោគដ៏ល្អប្រសើរ កម្ពុជាកំពុងពង្រឹងជំហរខ្លួនជាគោលដៅវិនិយោគយុទ្ធសាស្ត្រសម្រាប់ទីផ្សារអឺរ៉ុប តាមរយៈបេសកកម្មការទូតសេដ្ឋកិច្ចកម្រិតខ្ពស់នៅប្រទេសបារាំង។ កាលពីខែមករា ឆ្នាំ២០២៦ កន្លងទៅ នៅទីក្រុងប៉ារីស លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានដឹកនាំកិច្ចប្រជុំដ៏មានសារៈសំខាន់ជាមួយលោក François Corbin អនុប្រធានសហព័ន្ធធុរកិច្ចបារាំង MEDEF International រួមជាមួយតំណាងក្រុមហ៊ុនបារាំងធំៗចំនួន ៦ ទៀត។ ជំនួបនេះគឺជាជំហានគន្លឹះក្នុងការបន្តពង្រីកដៃគូពាណិជ្ជកម្មអន្តរជាតិ និងទាក់ទាញក្រុមហ៊ុនដែលមានបច្ចេកវិទ្យាខ្ពស់មកកាន់កម្ពុជា។ ក្នុងឱកាសនោះ តំណាងក្រុមហ៊ុនបារាំងបានបង្ហាញការចាប់អារម្មណ៍យ៉ាងខ្លាំងក្នុងការពង្រីកប្រតិបត្តិការពាណិជ្ជកម្មរបស់ពួកគេ ឬស្វែងរកឱកាសវិនិយោគថ្មីៗនៅកម្ពុជា។ ភាគីបារាំងបានកត់សម្គាល់ពីការរីកចម្រើនសេដ្ឋកិច្ចយ៉ាងឆាប់រហ័សរបស់កម្ពុជា និងបានសាកសួរព័ត៌មានយ៉ាងលម្អិតអំពីបច្ចុប្បន្នភាពនៃច្បាប់ បទប្បញ្ញត្តិពាណិជ្ជកម្ម និងការលើកទឹកចិត្តផ្សេងៗដែលរាជរដ្ឋាភិបាលបានដាក់ចេញ ដើម្បីបង្កើតបរិយាកាសធុរកិច្ចដែលមានតម្លាភាព និងសុវត្ថិភាព។ លោកជំទាវរដ្ឋមន្ត្រី ចម និម្មល បានជម្រាបជូនអំពីកិច្ចខិតខំប្រឹងប្រែងរបស់រាជរដ្ឋាភិបាល ក្នុងការសម្រួលដល់ការវិនិយោគ និងពាណិជ្ជកម្ម។ លោកជំទាវបានបញ្ជាក់ពីការត្រៀមខ្លួនរួចជាស្រេចរបស់ក្រសួងពាណិជ្ជកម្ម និងស្ថាប័នពាក់ព័ន្ធ ក្នុងការផ្ដល់កិច្ចសម្រួលគ្រប់បែបយ៉ាងដល់វិនិយោគិនបារាំង ជាពិសេសលើវិស័យដែលផ្ដោតលើការអភិវឌ្ឍប្រកបដោយចីរភាព និងការផ្ទេរបច្ចេកវិទ្យា។ ជាមួយគ្នានេះ លោកជំទាវក៏បានលើកឡើងពីសក្តានុពលនៃទីតាំងយុទ្ធសាស្ត្ររបស់កម្ពុជាក្នុងតំបន់អាស៊ាន […]

ទំហំពាណិជ្ជកម្មកម្ពុជា-បារំាងសម្រេចបានជាង $២០៦លានដុល្លារ ក្នុងឆ្នាំ២០២៤ កន្លងទៅ

១៦ ខែធ្នូ ឆ្នាំ ២០២៥

ទំហំពាណិជ្ជកម្មទ្វេភាគីរវាងកម្ពុជា-បារំាង ក្នុងឆ្នាំ២០២៤ កន្លងទៅ សម្រេចបានជាង ២០៦ លានដុល្លារអាមេរិក ខណៈភាគីទាំងពីរ ក៏បានប្តេជ្ញាពង្រីកទំហំពាណិជ្ជកម្ម និងការវិនិយោគប្រទេសទាំងពីរឱ្យកាន់តែខ្លាំងថែមទៀត។ នេះបើតាមជំនួបពិភាក្សារវាងសម្តេច ឃួន សុដារី ប្រធានរដ្ឋសភាកម្ពុជា ជាមួយគណៈប្រតិភូវិនិយោគិនបារាំង ដឹកនាំដោយ លោក ហ្រ្វង់ស័រ ហ្គេស (FRANÇOIS GUEZ) នាយកប្រតិបត្តិនៃក្រុមហ៊ុន ភីអិល វីស្តា (PL Vista) និង ប៊ីវាយ វីស្តា (BY Vista) កាលថ្ងៃទី១០ ខែធ្នូ ឆ្នាំ២០២៥។ ក្នុងជំនួបនោះ បានឱ្យដឹងថា បារាំងក៏ជាដៃគូពាណិជ្ជកម្មធំទី២ របស់កម្ពុជា ជាក់ស្តែងពាណិជ្ជកម្មទ្វេភាគីរវាងកម្ពុជា-បារំាង ក្នុងឆ្នាំ២០២៣ មានចំនួន $៥១៥.២១ លានដុល្លារ ហើយកាលពីឆ្នាំ២០២៤ កន្លងទៅ ទំហំពាណិជ្ជកម្មសម្រេចបានជាង $២០៦ លានដុល្លារអាមេរិក។ នាឱកាសនោះ ដែរ លោក ហ្រ្វង់ស័រ ហ្គេស បានឱ្យដឹងថា តាមគម្រោង ក្រុមហ៊ុនលោកនឹងនាំចូលផលិតផលរបស់ប្រទេសបារំាងជាច្រើនមុខ […]

ទិញផ្ទះចុងឆ្នាំនៅបុរី ប៉េង ហួត ធានាថាមិនឱ្យលោកអ្នកខកបំណងឡើយ

៨ ខែធ្នូ ឆ្នាំ ២០២៥

អតិថិជនដែលមានបំណងចង់ទិញផ្ទះនៅបុរី ប៉េង ហួត កំឡុងពេលនេះគឺពិតជាពិសេសណាស់ជាមួយប្រូម៉ូសិន Grand December ដែលក្រុមបានផ្ដល់ជូនកាដូ និង លក្ខខណ្ឌបង់ប្រាក់មិនធ្លាប់មានពីមុន។ ដើម្បីឱ្យប្រូម៉សិន Gand December នេះកាន់តែពិសេស បុរី ប៉េង ហួត បានធ្វើកម្មវិធីនៅថ្ងៃទី 12-13-14 ខែធ្នូ ឆ្នាំ ២០២៥ ដើម្បីឱ្យអតិថិជនអាចមកទស្សនាផ្ទះគំរូផ្ទាល់ និងអាចសាកសួរព័ត៌មានបន្ថែមឱ្យកាន់តែលម្អិត ហើយក៏មានការលេងកម្សាន្ត ដើម្បីទទួលបានរង្វាន់ផ្សេងៗផងដែរ។ បើតាមការឱ្យដឹងពីក្រុមហ៊ុន បុរី ប៉េង ហួត បានបញ្ជាក់ថាប្រូម៉ូសិន ក្នុងខែធ្នូ ដំណាច់ឆ្នាំ ២០២៥ នេះគឺពិសេសខ្លាំងតែម្ដង ជាពិសេសគោលការណ៍បង់ប្រាក់កាន់តែងាយស្រួល កាន់តែពិសេសដល់អតិថិជន ងាយនឹងទិញផ្ទះបានក្នុងបុរី ប៉េង ហួត។ លោកអ្នកដែលកំពុងតែស្រឡាញ់ផ្ទះនៅបុរី ប៉េង ហួត អាចចូលរួមសាកសួរព័ត៌មានបានដោយសេរីចាប់ពីងម៉ោង 9 ព្រឹក ដល់ម៉ោង 6 ល្ងាច នៅទីតាំងផ្ទះគំរូ King Grand ក្នុងគម្រោង ហ្គ្រេនស្ដា ផ្លាទីនីម (បឹងស្នោ)។ […]

១០ខែ ឆ្នាំនេះ កម្ពុជាពង្រីកទំហំពាណិជ្ជកម្មជាមួយទីផ្សារអន្តរជាតិបានជាង ៥២ពាន់លានដុល្លារ

១៤ ខែវិច្ឆិកា ឆ្នាំ ២០២៥

គិតត្រឹមរយៈពេល១០ខែ ពោលចាប់ពីខែមករា-វិច្ឆិកា ឆ្នាំ២០២៥ កម្ពុជាសម្រេចបាន ទំហំពាណិជ្ជកម្មជាមួយទីផ្សារអន្តរជាតិក្នុងទំហំជាង ៥២.៥៧ពាន់លានដុល្លារ កើនឡើង១៦.៥%។ នេះបើតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា ត្រូវបានផ្សព្វផ្សាយកាលថ្ងៃទី១០ ខែវិច្ឆិកា ឆ្នាំ២០២៥។ អគ្គនាយកដ្ឋានគយបន្តថា រយៈពេល១០ខែ ឆ្នាំ២០២៥ នេះដែរ កម្ពុជានាំចេញទំនិញ គិតទឹកប្រាក់ជិត២៥ពាន់លានដុល្លារ ទៅកាន់ទីផ្សារអន្តរជាតិ កើនឡើង១៥.២% បើធៀបរយៈពេលដូចគ្នា កាលពីឆ្នាំ២០២៤ មានចំនួនប្រមាណជាង ២១ពាន់លានដុល្លារ។ ប្រភពដដែល បញ្ជាក់ថាសហរដ្ឋអាមេរិក គឺជាទីផ្សារចម្បង ដែលកម្ពុជានាំចេញទំនិញច្រើនជាង មានបរិមាណរហូតដល់ជាង ១០ពាន់លានដុល្លារ កើនឡើង២៦.៤%។ បន្ទាប់មក គឺវៀតណាម មានតម្លៃ ៣.១ពាន់លានដុល្លារ កើនឡើង៣.%, ចិនជាង ១ ៣៣២ លានដុល្លារ, ជប៉ុនជាង ១ ៣០៩ លានដុល្លារ, អេស្ប៉ាញជាង ៩៨៥លានដុល្លារ, និងបណ្តាប្រទេសសំខាន់ៗ មួយចំនួនទៀត ដូចអង់គ្លេស ថៃ បារាំង បែលហ្ស៊ិក អ៊ីតាលី កូរ៉េខាងត្បូង ម៉ិកស៊ិក […]