ខេត្តកំពង់ធំត្រៀមស្វាគមន៍រោងចក្រកសិ-ឧស្សាហកម្មថ្មីតម្លៃ ២៥ លានដុល្លារ នៅខែមិថុនា ឆ្នាំ២០២៦
ខេត្តកំពង់ធំត្រៀមខ្លួនរួចជាស្រេចដើម្បីពង្រឹងមូលដ្ឋានកសិកម្ម និងឧស្សាហកម្មរបស់ខ្លួន ជាមួយនឹងការបង្កើតរោងចក្រកែច្នៃកសិ-ឧស្សាហកម្មចម្រុះថ្មីមួយ ដែលគ្រោងនឹងបើកដំណើរការនៅក្នុងខែមិថុនា ឆ្នាំ ២០២៦។ គម្រោងនេះបង្កើតឡើងដោយក្រុមហ៊ុន AVC Investment Co., Ltd. ក្រោមទុនវិនិយោគចំនួន ២៥លានដុល្លារ និងលាតសន្ធឹងលើផ្ទៃដី ៥៧ ហិកតា នៅក្នុងឃុំប៉ក់កុក ស្រុកស្ទោង។ នៅចុងខែតុលា ឆ្នាំ ២០២៥ ឯកឧត្តម វង្សី វិស្សុត ឧបនាយករដ្ឋមន្ត្រី បានដឹកនាំដំណើរទស្សនកិច្ចទៅកាន់ការដ្ឋានសំណង់ ដើម្បីវាយតម្លៃវឌ្ឍនភាពគម្រោង និងពិភាក្សាអំពីបញ្ហាប្រឈមនានា ដែលវិនិយោគិន អ្នកផលិត និងកសិករក្នុងស្រុកកំពុងជួបប្រទះ។ ដំណើរទស្សនកិច្ចនេះបានបញ្ជាក់ជាថ្មីនូវការប្តេជ្ញាចិត្តរបស់រដ្ឋាភិបាលក្នុងការលើកកម្ពស់ផលិតកម្មកសិកម្មដែលមានតម្លៃបន្ថែម ការបង្កើនផលិតភាព និងការកែលម្អជីវភាពរស់នៅរបស់ប្រជាពលរដ្ឋតាមទីជនបទ។ រោងចក្រដែលនឹងមកដល់នេះនឹងផ្តោតជាចម្បងលើការកែច្នៃដំឡូងមីទៅជាម្សៅ និងបន្ទះសៀគ្វី ដែលជាដំណាំសំខាន់មួយនៅក្នុងខេត្តកំពង់ធំ ជាកន្លែងដែលផ្ទៃដីដាំដុះជាង ៥៤.០០០ ហិកតាជារៀងរាល់ឆ្នាំ ដោយផ្តល់ទិន្នផលប្រហែល ១,២ លានតោន។ រោងចក្រនេះក៏បញ្ចូលវិធីសាស្រ្តផលិតកម្មប្រកបដោយចីរភាពផងដែរ ដោយសម្ភារៈកាកសំណល់ត្រូវបានបំលែងទៅជាជីសរីរាង្គ ចំណីសត្វ និងជីវថាមពល។ ក្រៅពីការកែច្នៃដំឡូងមី រោងចក្រនេះនឹងមានខ្សែសង្វាក់ផលិតកម្មគ្រាប់ឈើ និងកន្លែងបង្កកផ្លែឈើ ដែលពង្រីកវិសាលភាពប្រតិបត្តិការរបស់ខ្លួន និងបង្កើនសក្តានុពលវិនិយោគរបស់ខ្លួន។ ឧបនាយករដ្ឋមន្ត្រី វង្សី វិស្សុត […]
រដ្ឋប្រកាសនាំចេញកសិផលកសិកម្មសំខាន់ៗរបស់កម្ពុជាជិត ១០មុខ ទៅកាន់ទីផ្សារប្រទេសចិន
កម្ពុជា-ចិន កំពុងពង្រឹងកិច្ចសហប្រតិបត្តិការក្នុងក្របខ័ណ្ឌអនាម័យ និងភូតគាមអនាម័យ(SPS) សំដៅពន្លឿនការបើកទីផ្សារចិនដល់ផលិតផលកសិផលកម្ពុជាបន្ថែមទៀត ខណៈភាគីទាំងពីរ ក៏បានឯកភាពគ្នា ពន្លឿននីតិវិធីនាំចេញកសិផលជិត ១០មុខ ទៅកាន់ទីផ្សារចិនឆាប់ៗនេះផងដែរ។ នេះបើយោងតាមជំនួបពិភាក្សារវាងលោក ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានជួបជាមួយ លោកស្រី SUN Meijun រដ្ឋមន្ត្រីអគ្គរដ្ឋបាលគយនៃសាធារណរដ្ឋប្រជាមានិតចិន (GACC) ក្នុងឱកាសចូលរួមសន្និសីទលើកទី២ស្តីពី “យន្តការសុវត្ថិភាពចំណីអាហារនាំចេញ និងនាំចូលសម្រាប់ប្រទេសជាសមាជិកក្របខ័ណ្ឌកិច្ចសហប្រតិបត្តិការខ្សែក្រវាត់ និងផ្លូវ” កាលពីថ្ងៃទី១៤ ដល់ថ្ងៃទី១៥ ខែតុលា ឆ្នាំ២០២៥ នៅទីក្រុងសៀងហៃ។ ក្រសួងកសិកម្ម បានឱ្យដឹងថា ជាលទ្ធផលនៃកិច្ចប្រជុំនេះ ភាគីទាំងពីរបានឯកភាពគ្នាលើការពន្លឿនការរៀបចំពិធីសារអនាម័យនិងភូតគាមអនាម័យ ក៏ដូចជានីតិវិធីចាំបាច់ដើម្បីសម្រួលឱ្យកសិផលខ្មែរមួយចំនួនបន្ថែមទៀត ដែលរួមមាន៖ អង្ករសំរូប ផ្លែម្នាស់ ផ្លែខ្នុរ ផ្លែទុរេនបង្កក ផ្លែមៀនសម្អាត សាច់ចម្អិន សំបុកត្រចៀកកាំ និងចំណីសត្វចិញ្ចឹម អាចចូលទៅដល់ទីផ្សារប្រទេសចិន។ ក្រសួងកសិកម្ម គូសបញ្ជាក់ថា លទ្ធផលទាំងនេះ គឺជាជំហ៊ានដ៏សំខាន់មួយទៀតក្នុងការពង្រីកនិងពង្រឹងកិច្ចសហប្រតិបត្តិការកសិ-ពាណិជ្ជកម្ម និងបើកឱកាសទីផ្សារនាំចេញកសិផលរបស់កសិករកម្ពុជាឱ្យកាន់តែរលូននិងមានប្រសិទ្ធភាព។ ក្រសួងកសិកម្ម យកឱកាសនេះអំពាវនាវឱ្យកសិករនិងវិស័យឯកជនពាក់ព័ន្ធបន្តការអនុវត្តកសិកម្មល្អ(GAP) ក៏ដូចជាការអនុវត្តផលិតកម្មល្អ (GMP) លើការកែច្នៃ […]
៩ខែ ឆ្នាំ២០២៥ កម្ពុជា រកចំណូលបានជិត ៥៥០លានដុល្លារ ពីការនាំចេញជ័រកៅស៊ូ និងឈើកៅស៊ូ
រយៈពេល៩ខែ ឆ្នាំ២០២៥ ពោលចាប់ពីខែមករា ដល់ខែកញ្ញា កម្ពុជា រកចំណូលពានជិត ៥៥០លានដុល្លារ ពីការនាំចេញជ័រកៅស៊ូ និងឈើកៅស៊ូ កើនជាង ៣៨% បើធៀបនឹងឆ្នាំមុន។ នេះបើតាមរបាយការណ៍របស់អគ្គនាយកដ្ឋានកៅស៊ូ ដែលចេញផ្សាយដោយសាព័ត៌មានក្នុងស្រុក កាលពីថ្ងៃទី១៤ ខែតុលា ឆ្នាំ២០២៥។ របាយការណ៍ដដែល បានបញ្ជាក់ថា ចំណូលសរុបរយៈពេល៩ខែ ពីការនាំចេញជ័រកៅស៊ូ និងឈើកៅស៊ូ មានចំនួន ៥៤៩.៧៨១.៥៤៤ដុល្លារ ក្នុងនោះ ចំណូលពីការនាំចេញ ជ័រកៅស៊ូ ចំនួន ៣៩០.០២០. ៦៤៩ដុល្លារ, ចំណូលលក់ជ័រកៅស៊ូក្នុងស្រុក ចំនួន ១៥៦.៥០៤.៦៤៧ និងចំណូលពីការនាំចេញឈើកៅស៊ូ ចំនួន ៣.២៥៦.២៤៨ដុល្លារ។ ក្នុងរយៈពេល ៩ខែនេះដែរ កម្ពុជាបាននាំចេញជ័រកៅស៊ូ បានចំនួន ២២០.២៤០តោន ថយចុះចំនួន ២៨ .២៩៥តោន ស្មើនឹង១១.៤% ធៀបនឹងរយៈពេលដូចគ្នានៃឆ្នាំមុន។ រីឯការនាំចេញឈើកៅស៊ូវិញ សម្រេចបានចំនួន ១៤.៣២៦ម៉ែត្រគូប។ សម្រាប់តម្លៃលក់ជ័រកៅស៊ូមធ្យម រយៈពេល ៩ខែនេះ គឺថ្លៃ ១.៧៧១ដុល្លារ ក្នុងមួយតោន […]
គម្រោង CAPFISH ជួយកែលម្អ និងជំរុញប្រតិបត្តិការអាជីវកម្មលើវិស័យជលផលនៅកម្ពុជាចំនួន ៦៤
គម្រោង CAPFISH-Capture (លទ្ធផលទី២) ស្តីពី «ការជំរុញសមត្ថភាពប្រកួតប្រជែង ដើម្បីកំណើនអាជីវកម្មក្នុងវិស័យជលផលកាន់តែប្រសើរឡើងនៅកម្ពុជា» ត្រូវបានបិទបញ្ចប់ដោយក្រសួងកសិកម្ម រុក្ខាប្រមាញ់ និងនេសាទ និងតំណាងសហភាពអឺរ៉ុបប្រចាំកម្ពុជា នៅថ្ងៃទី៨ ខែតុលា ឆ្នាំ២០២៥។ នាឱកាសនោះ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានវាយតម្លៃខ្ពស់ចំពោះកិច្ចសហការល្អប្រសើររវាងរដ្ឋបាលជលផលនិងអង្គការ UNIDO និងដៃគូអភិវឌ្ឍន៍នានា ជាពិសេសវិស័យឯកជន ដែលរួមគ្នាអភិវឌ្ឍន៍សហគ្រាសកែច្នៃជលផល និងអ្នកពាក់ព័ន្ធក្នុងខ្សែច្រវាក់តម្លៃជលផលក្រោយប្រមូលផល។ ឯកឧត្តមបន្តថា គម្រោង CAPFISH-Capture នេះ បានជួយកែលម្អប្រតិបត្តិការអាជីវកម្មដោយធ្វើទំនើបកម្មលើសម្ភារបរិក្ខារនិងទីកន្លែងកែច្នៃរបស់សហគ្រាសជលផលក្រោយប្រមូលផលចំនួន ៦៤សហគ្រាស និងតួអង្គពាក់ព័ន្ធក្នុងខ្សែច្រវាក់តម្លៃជលផលប្រមាណជាង ៥០០ដៃគូអាជីវកម្មតាមរយៈការអនុវត្តន៍កម្មវិធីគាំទ្រវិនិយោគខ្សែច្រវាក់តម្លៃ (VCIS)ដែលបានចំណាយអស់ថវិកាជាង ២លានដុល្លារ ព្រមទាំងទុនបដិភាគពីសហគ្រាស និងគ្រឹះស្ថានហិរញ្ញវត្ថុប្រមាណ ៤លានដុល្លារ បន្ថែមទៀត។ តាមរយៈពិធីបិទបញ្ចប់គម្រោងនេះដែរ ក្រសួងកសិកម្ម ក៏បានណែនាំ ដល់ភាគីពាក់ព័ន្ធនានាក្នុងខ្សែច្រវាក់តម្លៃទាំងមូលចូលរួមសហការគ្នាឱ្យបានល្អ ជាពិសេសវិស័យឯកជនជាមួយអាជ្ញាធរមានសមត្ថកិច្ចពាក់ព័ន្ធ ដើម្បីចូលរួមសម្រេចឱ្យបាននូវគោលនយោបាយអភិវឌ្ឍន៍វិស័យកសិកម្ម ២០២២-២០៣០ ក្នុងទិសដៅលើកកម្ពស់ផលិតកម្មក្នុងស្រុក និងជំរុញការនាំចេញឱ្យកាន់តែមានភាពប្រសើរឡើង៕ - Video Advertisement -
ហ្វីលីពីនប្រកាសចង់នាំយកអង្ករ ត្រី សាច់ និងបន្លែពីប្រទេសកម្ពុជា ទៅកាន់ទីផ្សាររបស់ខ្លួន
ហ្វីលីពីន មានបំណងចង់នាំចូលអង្ករ ត្រី សាច់ និងបន្លែពីប្រទេសកម្ពុជា ដើម្បីពង្រីកពាណិជ្ជកម្មទ្វេភាគី។ នេះបើតាមជំនួបពិភាក្សារវាងឯកឧត្តមរដ្ឋមន្រ្តីក្រសួងកសិកម្ម ឌិត ទីណា ជាមួយ ឯកឧត្តម Francisco P. Tiu Laurel, Jr. រដ្ឋមន្ត្រីក្រសួងកសិកម្មនៃប្រទេសហ្វីលីពីន កាលពីពេលថ្មីៗនេះ។ ក្នុងជំនួបនោះ រដ្ឋមន្ត្រីទាំងពីរ បានពិភាក្សាពីកិច្ចសហប្រតិបត្តិការកសិ-ពាណិជ្ជកម្មរវាងប្រទេសទាំងពីរ ជាពិសេសការផ្តោតសំខាន់លើការនាំចូលកសិផលសក្តានុពលកម្ពុជាទៅកាន់ទីផ្សារប្រទេសហ្វីលីពីន។ នាឱកាសនោះដែរ ឯកឧត្តមរដ្ឋមន្ត្រីកសិកម្មហ្វីលីពីន បានបង្ហាញចំណាប់អារម្មណ៍ចង់នាំចូលអង្ករ ត្រី សាច់ និងបន្លែពីប្រទេសកម្ពុជា ហើយនឹងបញ្ជូនគណ:ប្រតិភូហ្វីលីពីន បំពេញទស្សនកិច្ចនៅកម្ពុជា ដើម្បីសិក្សាស្វែងយល់ពីខ្សែច្រវាក់ផលិតកម្មកសិកម្ម និងពិនិត្យនូវតម្រូវការចាំបាច់របស់ហ្វីលីពីនផងដែរ។ ជាការឆ្លើយតប ឯកឧត្តម ឌិត ទីណា មានសុទិដ្ឋនិយមខ្ពស់ក្នុងការជំរុញកសិ-ពាណិជ្ជកម្មរវាងប្រទេសទាំងពីរ និងបានអញ្ជើញរដ្ឋមន្រ្តីកសិកម្មហ្វីលីពីន និងវិស័យឯកជន ចូលរួមវេទិកានិងពិព័រណ៍កសិកម្មកម្ពុជាឆ្នាំ២០២៥ នៅខែវិច្ឆិកា ឆ្នាំ២០២៥ ដើម្បីស្វែងយល់ពីសក្តានុពលវិស័យកសិកម្មកម្ពុជា និងជាឱកាសល្អក្នុងការផ្គូផ្គងដៃគូវិនិយោគរវាងកម្ពុជា-ហ្វីលីពីន។ គួររម្លឹកថា ក្នុងឆ្នាំ២០២៤ ទំហំពាណិជ្ជកម្មរវាងកម្ពុជាជាមួយបណ្តាប្រទេសជាសមាជិកអាស៊ានមានទំហំទឹកប្រាក់ជាង ១៤,៣ពាន់លានដុល្លារ កើនឡើង ១២,៨ភាគរយ ធៀបនឹងរយៈពេលដូចគ្នាក្នុងឆ្នាំ២០២៣។ នេះបើតាមរបាយរកាណ៍របស់ក្រសួងពាណិជ្ជកម្ម។ បើតាមរបាយការណ៍នេះ កម្ពុជាបាននាំចេញទំនិញក្នុងទំហំទឹកប្រាក់ជាង ៤.៦២០លានដុល្លារ […]
ចិនរកឃើញពូជស្រូវធន់នឹងជាតិអំបិលខ្លាំង ដែលអាចដាំដុះនៅតាមតំបន់ឆ្នេរសមុទ្រ
ក្នុងការអភិវឌ្ឍដ៏ធំមួយសម្រាប់វិស័យកសិកម្ម អ្នកស្រាវជ្រាវចិនបានណែនាំដោយជោគជ័យនូវពូជស្រូវដែលធន់នឹងអំបិលថ្មីមួយដែលគេស្គាល់ថាជា “អង្ករសមុទ្រ”។ ដំណាំប្រកបដោយភាពច្នៃប្រឌិតនេះអាចដាំដុះនៅតាមតំបន់ឆ្នេរ ខណៈកន្លងមកការធ្វើស្រែតាមបែបប្រពៃណីបានប្រឈមមុខនឹងបញ្ហាជាច្រើនដោយសារលក្ខខណ្ឌទឹកប្រៃ។ តាមរយៈការបង្កាត់ពូជស្រូវព្រៃជាមួយនឹងពូជដែលផ្តល់ទិន្នផលខ្ពស់និងទំនើប អ្នកវិទ្យាសាស្ត្របានបង្កើតដំណាំស្រូវដែលមានសមត្ថភាពអាចរីកលូតលាស់នៅក្នុងដីអំបិលអាល់កាឡាំង។ គួរកត់សម្គាល់ថា ពូជថ្មីនេះអាចផ្តល់ទិន្នផលរហូតដល់ទៅ ៦,៥តោនក្នុងមួយហិកតា ដែលផ្តល់នូវដំណោះស្រាយដ៏អស្ចារ្យមួយសម្រាប់ផលិតកម្មស្បៀងនៅក្នុងតំបន់ដែលពីមុនត្រូវបានគេចាត់ទុកថាវាមិនស័ក្តិសមសម្រាប់ការធ្វើស្រែធម្មតា។ អ្នកជំនាញជឿជាក់ថា ការរីកចម្រើននេះអាចផ្តល់អាហារូបត្ថម្ភដល់ប្រជាជន ២០០លាននាក់បន្ថែមទៀតនៅឆ្នាំ 2030 ដោយសារតែដីឆ្នេរសមុទ្រជាច្រើនត្រូវបានផ្លាស់ប្តូរទៅជាដីស្រែដែលមានផលិតភាព។ ប្រទេសដែលងាយរងគ្រោះពីផលប៉ះពាល់នៃការកើនឡើងកម្រិតទឹកសមុទ្រ ដូចជា បង់ក្លាដែស អេហ្ស៊ីប និងវៀតណាម ត្រូវបានគេរំពឹងថានឹងទទួលបានអត្ថប្រយោជន៍យ៉ាងច្រើនពីការរកឃើញនេះ។ ជាមួយនឹងផ្ទៃដីដែលមានជាតិប្រៃជាង ១ពាន់លានហិកតា នៅជុំវិញពិភពលោក របកគំហើញនេះអាចផ្លាស់ប្តូរទិដ្ឋភាពនៃសន្តិសុខស្បៀងពិភពលោកឡើងវិញ។ នៅពេលដែលពិភពលោកជួបប្រទះនឹងបញ្ហាប្រឈមនៃការផ្តល់អាហារដល់ចំនួនប្រជាជនដែលកំពុងកើនឡើង អង្ករទឹកសមុទ្រអាចផ្តល់នូវដំណោះស្រាយប្រកបដោយនិរន្តរភាពចំពោះដែនកំណត់កសិកម្មនៅក្នុងតំបន់ដែលរងផលប៉ះពាល់ដោយទឹកប្រៃ និងឆ្នេរសមុទ្រ។ ប្រភពដើមពី techtimespage! - Video Advertisement -