ផ្សារបោះដុំម៉ាក្រូរបស់ថៃនឹងបើកសាខាចំនួន៩

• 13 ខែ​វិច្ឆិកា 2017
• ព័ត៌មានអចលនទ្រព្យ
• 8 មើល

ផ្សារទំនើបម៉ាក្រូដែលមានមូលដ្ឋាននៅប្រទេសថៃបានប្រកាសថា ខ្លួនមានបំណងបើកសាខាថ្មីចំនួន៩ នៅកម្ពុជា បន្ទាប់ពីបើកដំណើរការហាងលក់ដុំដំបូងរបស់ខ្លួននៅចុងឆ្នាំនេះ។

បន្ទាប់ពីបើកការដ្ឋានសាងសង់នៅចុងខែឧសភា ឆ្នាំ២០១៧ ផ្សារទំនើបម៉ាក្រូកំពុងសាងសង់អគារផ្សារទំនើបលក់ដុំ ២ជាន់ ទំហំ ១០ពាន់ម៉ែត្រការ៉េ នៅលើផ្ទៃដីទំហំ ៥ហិកតានៅបឹងពោងពាយ ខណ្ឌសែនសុខ ភាគពាយព្យរាជធានីភ្នំពេញ។ អគារលក់ទំនិញយក្សនេះ មានទីតាំងស្ថិតនៅក្នុងតំបន់ជាមួយគ្នានឹងផ្សារទំនើបអ៊ីអនម៉ល២ និងផ្សារទំនើប E-Mart ដែលមានមូលដ្ឋាននៅប្រទេសកូរ៉េដែលទើបប្រកាសនាពេលថ្មីៗនេះ។

ម៉ាកយីហោម៉ាក្រូបានចូលទីផ្សារកម្ពុជា ជា Makro Cambodia តាមរយៈការវិនិយោគរួមគ្នាក្នុងទំហំទឹកប្រាក់ ២លានដុល្លាររវាងក្រុមហ៊ុនថៃ Siam Makro និងក្រុមហ៊ុនកម្ពុជា LYP Group Company Limited។ ផ្សារម៉ាក្រូដំបូងនឹងបើកទ្វារស្វាគមន៍អតិថិជននៅខែធ្នូ ឆ្នាំ២០១៧។

• គម្រោងអភិវឌ្ឍន៍
• គម្រោងអភិវឌ្ឍន៍