មជ្ឈមណ្ឌលបណ្តុះបណ្តាលអចលនទ្រព្យគ្រោងនឹងបើកដំណើរការក្នុងឆ្នាំនេះ

• 28 ខែ​កុម្ភៈ 2018
• ព័ត៌មានអចលនទ្រព្យ
• 9 មើល

សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា(CVEA) កំពុងជំរុញវិនិយោគិនអោយវិនិយោគលើមជ្ឈមណ្ឌលបណ្តុះបណ្តាលអចលនទ្រព្យដែលជាសាលាបណ្តុះបណ្តាលធនធានមនុស្សបន្ថែមទៀតក្នុងវិស័យសំណង់និងអចលនទ្រព្យ ។

លោកបណ្ឌិតគីម ហ៊ាង ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា និងជានាយកប្រតិបត្តិរបស់ក្រុមហ៊ុន ខ្មែររៀល អ៊ីស្ទេត បានបង្ហាញពីផែនការនិងប្តេជ្ញាចិត្តក្នុងការបើកមជ្ឈមណ្ឌលនេះអោយបានក្នុងឆ្នាំនេះ។

យោងតាមលោកគីម ហ៊ាងគម្រោងនេះត្រូវការថវិកាប្រមាណជាង ២០ ម៉ឺនដុល្លារអាមេរិក។

“នៅក្នុងដំណាក់កាលនេះមានប្រមាណជា ២០ក្រុមហ៊ុនបានចូលរួមនិងវិនិយោគជាមួយគម្រោងនេះ ។ ទោះជាយ៉ាងណាក៏ដោយយើងនៅតែស្វែងរកអ្នកវិនិយោគបន្ថែមទៀត។ បន្ទាប់មកយើងនឹងបញ្ជូនសំណើរទៅក្រសួងអប់រំនិងក្រសួងសេដ្ឋកិច្ចនិងហិរញ្ញវត្ថុ ដើម្បីសុំបើកសាលាមួយនេះ” លោកគីម ហ៊ាង បានមានប្រសាសន៍។

“គោលបំណងនៃការបើកសាលារៀនមួយនេះគឺមិនមែនសំដៅទៅលើតែផលចំណេញឬផលប្រយោជន៍ពីសាលាតែម្យ៉ាងនោះទេ ផ្ទុយទៅវិញយើងចង់ពង្រឹងនិងលើកកម្ពស់ធនធានមនុស្សនៅក្នុងវិស័យសំណង់និងអចលនទ្រព្យអោយកាន់តែប្រសើរជាងមុន។ អ្នកដែលបានបញ្ចប់ការសិក្សាពីមជ្ឈមណ្ឌលបណ្តុះបណ្តាលរបស់យើងនឹងមានចំណេះដឹងព្រមជាមួយនិងសមត្ថភាពច្បាស់លាស់ក្នុងការធ្វើការនៅក្នុងវិស័យនេះ” លោកបានបន្ត។

នៅដំណាក់កាលនេះសមាគមមិនទាន់បានបង្ហាញលម្អិតទាក់ទងនឹងកម្មវិធីនិងតម្លៃសិក្សានៅឡើយទេ។

• គម្រោងអភិវឌ្ឍន៍
• គម្រោងអភិវឌ្ឍន៍