Safari World Phnom Penh គ្រោងនឹងបើកនៅខែមេសានេះ

• 3 ខែ​មីនា 2018
• ព័ត៌មានអចលនទ្រព្យ
• 10 មើល

ក្រុមហ៊ុនលីយ៉ុងផាត់គ្រុប គ្រោងនឹងបើកដំណើរការសួនសត្វ Safari World Phnom Penh របស់ខ្លួននៅតំបន់ជ្រោយចង្វារ នាខែមេសាខាងមុខនេះ បន្ទាប់ពីការសាងសង់អស់រយៈពេលពីរឆ្នាំ បើយោងតាមទីភ្នាក់ងារសារព័ត៌មានកម្ពុជា (AKP) ។

សាងសង់នៅលើផ្ទៃដីជាង ៨០ ហិចតានៅក្នុងខណ្ឌជ្រោយចង្វារ សួនសត្វ Safari World Phnom Penh នឹងក្លាយទៅជាសួនសត្វដ៏ធំបំផុតដែលមិនធ្លាប់មាននៅរាជធានីភ្នំពេញ ក្រោមតម្លៃវិនិយោគជាង ៩ លានដុល្លារ។

បើតាមការបញ្ជាក់ឱ្យដឹងពីលោកឧកញ៉ា លី យ៉ុងផាត់ នាយកក្រុម ហ៊ុនលីយ៉ុងផាត់គ្រុប ពីមុនសួនសត្វនេះមានទីតាំងនៅខេត្តកោះកុង ការរើសួនសត្វពីខេត្តកោះកុងមកកាន់រាជធានីភ្នំពេញនេះ ដោយសារនៅរាជធានីភ្នំពេញមានភ្ញៀវទេសចរច្រើន។

Safari World Phnom Penh នឹងមានសត្វជាង ៨០០ ក្បាលដែល រួមមានខ្លាឃ្មុំ អូទ្រីស កង់ហ្គោរ៉ូ ក្រពើផ្សោត ក្តាន់ និងសត្វជាច្រើនទៀត។ លើសពីនេះទៅទៀងក្នុងសួនសត្វក៏មានការសម្តែងរបស់សត្វក្រពើ បក្សី ស្វា និងខ្លា ផងដែរ។

បើយោងតាមទីភ្នាក់ងារសារព័ត៌មានកម្ពុជា (AKP) ក្រៅពីសួនសត្វនេះ ក្រុមហ៊ុន LY.P Group ក៏កំពុងគ្រោងនឹងវិនិយោគទឹកប្រាក់ប្រមាណជាង ៣០ លានដុល្លារអាមេរិកក្នុងការកសាងឧទ្យានទឹកធំបំផុតមួយនៅអាស៊ានដែលមានឈ្មោះថា Angkor Water Park ផងដែរ ។ ប៉ុន្តែព័ត៌មានលម្អិតនៃគម្រោងនេះមិនទាន់បានបង្ហាញជាក់លាក់នៅឡើយទេ។

• គម្រោងអភិវឌ្ឍន៍
• គម្រោងអភិវឌ្ឍន៍