អគារ C7 របស់ទីក្រុងអូឡាំព្យាបានបញ្ចប់សំណង់អគារជាស្ថាពរ

27 ខែមីនា 2018
ព័ត៌មានអចលនទ្រព្យ
9 មើល

កាលពីថ្ងទី ២៣ ខែ មីនានេះ ក្រុមការងារគម្រោងទីក្រុងអូឡាំព្យាបានប្រារព្ធពិធីអបអរសារទរការបញ្ចប់គ្រោងអគារ C7 ឫ The Topping out of C7 buildingដែលជាអគារបែបការិយាល័យលំនៅដ្ឋានឬ ហៅកាត់ថា SOHO។

បើតាមប្រសាសន៍របស់ប្រធានគ្រប់គ្រងផែនការលោក Jang Hong Suk បានអោយដឹងថា ពិធីអបអរសារទរនេះ ជាការបញ្ចប់ទៅលើសំណង់អគារផ្នែកខាងក្រៅ ដោយឡែកផ្នែកខាងក្នុងនៅពុំទាន់រួចរាល់នៅឡើយទេ។ ចំពោះគម្រោងទាំងមូលគ្រោងនឹងបញ្ចប់ពេញលេញក្នុងឆ្នាំ ២០១៩។

មកដល់បច្ចុប្បន្ននេះ អគារC7 ឬ The Fortune Tower បានលក់អស់ប្រមាណជាង ៧០ ភាគរយទៅហើយ ដែលបញ្ជាក់អោយឃើញថាគម្រោងនេះទទួលបានចំណាប់អារម្មណ៍យ៉ាងច្រើនពីសំណាក់អតិថិជន។

The Fortune Towerគឺជាអគារពាណិជ្ជកម្មទំនើប ដែលអាចប្រើប្រាស់ជាលំនៅដ្ឋានក៏បាន ឫជាកន្លែងធ្វើការក៏បាន ដែលហៅកាត់ថា SOHO ឬ Small Office Home Officeដែលខុសពីអគារស្នាក់នៅប្រភេទ Condominiums ដែលបានតែស្នាក់នៅតែមួយមុខមុខ។ អគារC7 មានបំពាក់ជណ្តើរយន្ត ១០ គ្រឿងដើម្បីផ្តល់ភាពងាយស្រួលដល់អតិថិជន ព្រមទាំងមានចំណតរថយន្ត និងកន្លែងទទួលភ្ញៀវធំទូលាយតាមលក្ខណៈស្តង់ដាអន្តរជាតិ។

អគារ C7 នេះគឺជាផ្នែកមួយនៃគម្រោងទីក្រុងអូឡាំព្យារបស់ក្រុមហ៊ុន វិនិយោគទុន អាណិកជនកម្ពុជា OCIC ដែលជាបណ្ដុំអគារខុនដូ ការិយាល័យ ផ្សារទំនើប សណ្ឋាគារ និង អគារពាណិជ្ជកម្ម។ គម្រោងទីក្រុងអូឡាំព្យានេះបានចាប់ផ្ដើមសាងសង់កាលពីឆ្នាំ ២០១៣ លើដីជាង ៦,៥ ហិកតា ក្រោមថវិកាវិនិយោគជាង ៥០០ លានដុល្លារអាមេរិក។