សណ្ឋាគារប្រេនអន្តជាតិ LBIS Stylesដំបូងបង្អស់នៅកម្ពុជានឹងបើកដំណើរការក្នុងខែមិថុនានេះ

• 21 ខែ​មេសា 2018
• ព័ត៌មានអចលនទ្រព្យ
• 9 មើល

AccorHotelsគ្រោងនឹងដាក់អោយដំណើរការសណ្ឋាគារលំដាប់អន្តជាតិក្នុងបណ្ដាញរបស់ខ្លួន Ibis Stylesក្នុងខេត្តសៀមរាបនៅខែមិថុនាខាងមុខនេះ ដែលជាលើកដំបូងបង្អស់ ចំពោះវត្តមានសណ្ឋាគារIbis Stylesនៅក្នុងប្រទេសកម្ពុជា នេះបើយោងតាមគេហទំព័រការរបស់ AccorHotels ។

សណ្ឋាគារIbisជាប្រភេទសណ្ឋាគារក្នុងប្រេន AccorHotelsដែលមានតម្លៃសមរម្យនិងល្បីល្បាញចំពោះភាពច្នៃប្រឌិតនៃការឌីស៉ាញនិងភាពទាន់សម័យរបស់ខ្លួន។ បច្ចុប្បន្នសណ្ឋាគារIbisមានជាង ២០៤៣ កន្លែងជុំវិញពិភពលោក។

ហើយនេះវត្តមានរបស់សណ្ឋាគារIbis Styles ដំបូងបង្អស់នៅក្នុងប្រទេសកម្ពុជា។ សណ្ឋាគារនេះមានទីតាំងស្ថិតនៅកណ្តាលទីក្រុងសៀមរាបជិតផ្សាររាត្រីនិងPub Street ដែលមានបន្ទប់សរុបចំនួន ១១២ បន្ទប់ រួមជាមួយនឹងបរិក្ខារផ្សេងៗទៀតដូចជាអាងហែលទឹកដែលអាចមើលឃើញទេសភាពទន្លេភោជនីយដ្ឋាននិងបារ។

បើយោងតាម AccorHotels មូលហេតុនៃការបើកសណ្ឋាគារប្រេន Ibisនៅប្រទេសកម្ពុជាគឺដើម្បីបំពេញតម្រូវការសណ្ឋាគារស្តង់ដាអន្តជាតិប៉ុន្តែមានតម្លៃសមរម្យនៅក្នុងប្រទេស។ នេះជាការបន្ថែមទៅលើសណ្ឋាគារក្នុងបណ្ដាញ AccorHotels ដែលមានស្រាប់ដូចជាសណ្ឋាគារRafflesនិង Sofitelដែលជាសណ្ឋាគារលំដាប់High-End។

លើសពីនេះទៅទៀត ក្នុងឆ្នាំ ២០១៨ នេះ AccorHotels ក៏គ្រោងនឹងបើកសណ្ឋាគារលំដាប់ High-Endចំនួនពីរផ្សេងទៀត គឺ សណ្ឋាគារ Novotel ដែលនឹងមានទីតាំងនៅរាជធានីភ្នំពេញនិងក្រុងព្រះសីហនុ។

AccorHotels គឺជាក្រុមហ៊ុនសណ្ឋាគារពហុជាតិដែលមានដើមកំណើតមកពីបារាំងដែលបច្ចុប្បន្នមានសណ្ឋាគារ ជាង ៤២០០សណ្ឋាគារ ក្នុងប្រទេសចំនួន ៩៥ ជុំវិញពិភពលោក ក្នុងនោះដែរក៏មាន ៤ កន្លែងស្ថិតក្នុងប្រទេសកម្ពុជា។

 

• គម្រោងអភិវឌ្ឍន៍
• គម្រោងអភិវឌ្ឍន៍