បុរីទេសចរណ៍ខេត្តសៀមរាបនឹងរៀបចំកម្មវិធីចាប់រង្វាន់ “ទិញផ្ទះមានសំណាង”

• 9 ខែ​កក្កដា 2018
• ព័ត៌មានអចលនទ្រព្យ
• 9 មើល

បុរីទេសចរណ៍ខេត្តសៀមរាប

អត្ថបទផ្សព្វផ្សាយ៖ ដើម្បីជាការលើកទឹកចិត្ត និងថ្លែងអំណរគុណដល់អតិថិជន ដែលបានទិញគម្រោងទី ៣ និង គម្រោងទី ៤ របស់ខ្លួនក្រុមហ៊ុនបុរីទេសចរណ៍ ខេត្តសៀមរាប នឹងរៀបបង្កើតកម្មវិធី ទិញផ្ទះមានសំណាង នៅថ្ងៃទី១៥ ខែកក្កដា ខាងមុខនេះ។

កម្មវិធីនេះនឹងចាប់ពីម៉ោង ៦ល្ងាច រហូតដល់ម៉ោង ៨យប់ នៅការិយាល័យលក់ នៃបុរីទេសចរណ៍ ខេត្តសៀមរាប ដែលរួមមានរង្វាន់ជាច្រើនដូចជា រថយន្ត Mazda សេរីឆ្នាំ ២០១៨ មួយរង្វាន់ ទូរសព្ទ iPhone X ចំនួន ៥ រង្វាន់ ទូរទឹកកកចំនួន ៥ រង្វាន់ ម៉ាស៊ីនបោកគក់ចំនួន ៥ រង្វាន់ ម៉ាស៊ីនត្រជាក់ ៥ រង្វាន់ និងរង្វាន់ផ្សេងៗទៀត។

លើសពីនេះទៅទៀតក្រុមហ៊ុនបុរីទេសចរណ៍ បន្តផ្ដល់ជូននូវការបញ្ចុះតម្លៃរហូតដល់ ៣% ការបង់ប្រាក់ដោយគ្មានការប្រាក់ រយះពេល ១២ ខែ រួមនឹងបណ្ណផ្សងសំណាងជូនគ្រប់អតិថិជនទាំងអស់ ដែលបានធ្វើការទិញចាប់ពីថ្ងៃទី ១០ ខែកក្កដា ឆ្នាំ ២០១៨ រហូតដល់ថ្ងៃទី ១៥ ខែកក្កដា ឆ្នាំ ២០១៨ នេះ។

គួរបញ្ជាក់ផងដែរថា បុរីទេសចរណ៍ខេត្តសៀមរាប ជាគម្រោងដែលអភិវឌ្ឍន៍ដោយក្រុមហ៊ុនវិនិយោគទុនអាណិកជនកម្ពុជា ហៅកាត់ថា OCIC និង ហិរញ្ញប្បទានផ្ទាល់ពីធនាគារកាណាឌីយ៉ា ក.អ។ គម្រោងនេះលាតសន្ធឹងលើផ្ទៃដី ប្រមាណជាង ៦០ ហិចតា ដែលជាទីតាំង សក្តានុពល ក្នុងការអភិវឌ្ឍន៍ ដោយមានការសាងសង់ជាលំនៅដ្ឋានអាជីវកម្ម វីឡាទោល វីឡាភ្លោះ វីឡាកូនកាត់ និងមានផ្លូវក្នុងបុរីធំទូលាយ ប្រព័ន្ធភ្លើងរដ្ឋ ប្រព័ន្ធចម្រោះទឹកស្អាត ផ្សារ សាលារៀន សួនច្បារ សួនកម្សាន្ត ក្លឹបហាត់ប្រាណ ដែលជាជម្រើសដ៏ល្អសម្រាប់ប្រកបអាជីវកម្ម ព្រមជាមួយការស្នាក់នៅដ៏ប្រណិតភាព ផាសុខភាព និងសុវត្ថិភាព។

បុរីទេសចរណ៍ បានលក់អស់ ១០០% សម្រាប់គម្រោងទី ១ និងទី ២ ដែលជាប្រភេទផ្ទះល្វែងអាជីវកម្ម ដែលមានទំហំទទឹង ៥ម និង បណ្ដោយប្រវែង ១៥ម មានកម្ពស់ ២ជាន់ រួមមានបន្ទប់គេង ២ និងបន្ទប់ទឹក ៣ ដែលអាចចតរថយន្តបាន ១ គ្រឿង។

ស្របគ្នានេះដែរ ដើម្បីឆ្លើយតបតម្រូវការរបស់អតិថិជនដែលបានផ្ដល់ទំនុកចិត្ត និងការគាំទ្រ មកកាន់ បុរីទេសចរណ៍ ក្រុមហ៊ុនបានបើកលក់ គម្រោងទី៣ និងទី៤ ដែលជាប្រភេទ វីឡាភ្លោះ និងវីឡាទោល ដែលមានទំហំទទឹង ៦ម និងបណ្ដោយប្រវែង ១០ម មានកម្ពស់ ២ជាន់ រួមមានបន្ទប់គេង ៣ និងបន្ទប់ទឹក ៣ ដែលអាចចតរថយន្តបាន ២ គ្រឿង និងមានតម្លៃចាប់ពី ១០ ម៉ឺនដុល្លារឡើងទៅ។ គម្រោងទី ៣ និង គម្រោង ទី៤ នេះបានលក់អស់ប្រមាណ ៧០% រួចមកហើយ។

សម្រាប់ព័ត៌មានលម្អិតអតិថិជនទាំងអស់អាចអញ្ជើញមកផ្ទាល់នៅ ការិយាល័យលក់បុរីទេសចរណ៍ ខេត្តសៀមរាប ដែលមានទីតាំងស្ថិតនៅ អតីតបុរី សុខលាភ ភូមិគោកត្នោត ឃុំកណ្ដែក ស្រុកប្រាសាទបាគង ខេត្តសៀមរាប ដែលមានចម្ងាយប្រមាណ ៣ គីឡូម៉ែត្រពីផ្សារលើ ខេត្តសៀមរាប ឬទំនាក់ទំនងមកកាន់ទូសព្ទលេខ ០៧៧ ២៦៦ ២០៩ និង ០៧១ ៦៧៦៧ ៧៩៦។

• គម្រោងអភិវឌ្ឍន៍
• គម្រោងអភិវឌ្ឍន៍