ការឈានជើងចូលទីផ្សាររបស់ Keller-William នឹងជួយបង្កើនពន្ធពីវិស័យអចលនទ្រព្យជូនរដ្ឋ

• 21 ខែ​សីហា 2018
• ព័ត៌មានអចលនទ្រព្យ
• 11 មើល

ដើម្បីធានាបាននូវនិរន្តភាពនិងការរីកចម្រើនក្នុងវិស័យអចលនទ្រព្យ ក្រុមហ៊ុនក្នុងស្រុក Khmer Real Estate Co., Ltd. បានទិញសិទ្ធិជាម្ចាស់អាជីវកម្មចលនទ្រព្យដ៏ល្បីល្បាញមួយមកពីសរដ្ឋអាមេរិកដែលមានឈ្មោះថា Keller Williams ដើម្បីជួយជំរុញវិស័យអចលនទ្រព្ យជាពិសេសទៅលើវិស័យដីធ្លីនៅកម្ពុជាឲ្យមានការរីកចម្រើនបន្ថែមមួយកម្រិតទៀត។

ការប្តេចជ្ញាពង្រឹងវិស័យអចលនទ្រព្យនេះគឺត្រូវបានអះអាងដោយលោក គីម ហ៊ាង ប្រធានក្រុមហ៊ុន Khmer Real Estate ដែលក្នុងនោះលោកបានមានប្រសាសន៍ទៅកាន់អ្នកសារព័ត៌មាន Fresh News ថា៖ «ភ្នាក់ងារដីធ្លីទាំងអស់នៅកម្ពុជា នឹងប្រកបអាជីវកម្មដោយមានច្បាប់ត្រឹមត្រូវ ព្រោះរាល់ការរកស៊ីទាំងអស់ ត្រូវតែបង់ពន្ធជូនរដ្ឋដោយហេតុថាពេលចូលជាមួយ Keller Williams-កម្ពុជា គ្រប់ក្រុមហ៊ុនទាំងអស់ដែលរកស៊ីក្នុងវិស័យនេះ មិនអាចគេចផុតពីច្បាប់បានឡើយ»។

សូមបញ្ជាក់ផងដែរថា ក្រុមហ៊ុនអចលនទ្រព្យ Keller Williams គឺជាក្រុមហ៊ុន Franchise ដ៏ល្បីល្បាញមួយក្នុងវិស័យអចលនទ្រព្យ ហើយគឺជាអ្នកដែលផ្តល់គំរូអាជីវកម្មសំរាប់ភ្នាក់ងាររបស់ខ្លួន។ លើសពីនេះទៅទៀត ដើម្បីក្លាយជាភ្នាក់ងារ Keller Williams គឺតម្រូវអោយមានការចុះបញ្ជីរនៅក្រសួងហិរញ្ញវត្ថុដើម្បីទទួលបាននូវអាជ្ញាបណ្ណស្របច្បាប់មួយព្រមទាំងមានការបណ្ដុះបណ្ដាលជាប្រចាំផងដែរ។

តាមរយៈការចុះបញ្ជីអាជីវកម្មលើវិស័យអចលនទ្រព្យបានយ៉ាងត្រឹមត្រូវនឹងជាក់លាក់បែបនេះ គឺជាការជួយបង្កើនចំណូលជូនរាជរដ្ឋាភិបាលតាមរយៈពន្ធនិងអាករនានា ដែលនេះនឹងជួយជម្រុញដល់ការអភិវឌ្ឍន៍ប្រទេសជាតិផងដែរ។

ជាក់ស្តែងណាស់កាលពីពេលថ្មីៗនេះ រាជរដ្ឋាភិបាលក៏បានពង្រឹងច្បាប់ទាក់ទងទៅនឹងការផ្ទេរសិទ្ធិកាន់កាប់អចលនទ្រព្យដែលមិនទាន់បានទទួលស្គាល់ដោយរដ្ឋបាលសុរិយោដី។ អានបន្ថែម

• ធុរកិច្ច និងទីផ្សារ
• ធុរកិច្ច និងទីផ្សារ