តាមការស្ទង់មតិថ្មីអចលនទ្រព្យនៅថៃមានតម្លៃថ្លៃខ្លាំង

• 26 ខែ​តុលា 2018
• ព័ត៌មានអចលនទ្រព្យ
• 10 មើល

យោងតាមការស្ទង់មតិថ្មីមួយដែលធ្វើឡើងដោយក្រុមហ៊ុនអចលនទ្រព្យឈានមុខគេមួយរបស់ថៃឈ្មោះDDproperty ផ្ទះនៅប្រទេសថៃមានតម្លៃថ្លៃខ្លាំងហើយអតិថិជនមិនពេញចិត្តនឹងទីផ្សារនោះទេ។

ការស្ទង់មតិអតិថិជនរបស់ DDproperty ដែលចេញផ្សាយកាលពីពេលថ្មីៗនេះ បានបង្ហាញ ថា៧០ភាគរយនៃអ្នកឆ្លើយចំនួន១០០០នាក់គិតថាអចលនទ្រព្យមានតម្លៃថ្លៃខ្លាំងពេកនៅក្នុងឆមាសទី១ ឆ្នាំ២០១៨។

អ្នកឆ្លើយ ៦១ភាគរយ ជឿថាសេដ្ឋកិច្ចថៃកំពុងដំណើរការមិនល្អហើយការពេញចិត្តរបស់អតិថិជនអចលនទ្រព្យបានធ្លាក់ចុះពី ៦៨ ភាគរយកាលពី៣ឆ្នាំមុនមកនៅត្រឹម ៥៧ ភាគរយ នាពេលបច្ចុប្បន្ន។

អ្នកឆ្លើយ ៨៣ ភាគរយជឿថាអចលនទ្រព្យនឹងមានតម្លៃកាន់តែថ្លៃជាងនេះនៅឆ្នាំខាងមុខ ហើយ ៦៩ ភាគរយយល់ថាតម្លៃអចលនទ្រព្យដែលដាក់លក់ថ្មីគួរត្រូវបានកំណត់តម្លៃ។ ទន្ទឹមនឹងនេះដែរ ក្នុងចំណោមក្រុមអ្នកទិញនាពេលអនាគតដែលមានឥទ្ធិពលបំផុត ក្រុមអ្នកទិញដែលមាន អាយុចន្លោះពី១៨ ទៅ៣៤ឆ្នាំ ត្រូវបានគេរំពឹងថានឹងមានឥទ្ធិពលខ្លាំងទៅលើទីផ្សារនិងសង្គម។

• អត្ថបទវិភាគ
• អត្ថបទវិភាគ