អគារសម្រាប់រៀបចំពិធីមង្គលការដ៏ធំបានបើកទ្វារស្វាគមន៍ភ្ញៀវជាផ្លូវការហើយ

1 ខែវិច្ឆិកា 2018
Uncategorized
9 មើល

អគារសម្រាប់រៀបចំពិធីមង្គលការសន្និបាតពិព័រណ៍ធំៗនិងទំនើបៗនានាបានបើកសម្ពោធជាផ្លូវការហើយ។

កាលពីថ្ងៃទី ០១ ខែ វិច្ឆិកា ឆ្នាំ ២០១៨ អគារដែលមានឈ្មោះថា៖ «ដឺ ព្រេមៀ សេនធ័រ សែនសុខ» បានដាក់សម្ពោធឲ្យដំណើរការជាផ្លូវការហើយ ស្របពេលដែលចំនួនភ្ញៀវកក់កន្លែងសម្រាប់កម្មពិធីរបស់ខ្លួនមានចំនួនច្រើន។

សាងសង់ឡើងក្នុងទឹកប្រាក់ប្រមាណជា ១០ លានដុល្លារអាមេរិក អគារ«ដឺ ព្រេមៀ សេនធ័រ សែនសុខ»នេះគឺជាអគារដែលត្រូវបានរចនាឡើងប្រកប ដោយភាពទាក់ទាញនិងទំនើបបំផុតជាពិសេសជាមួយនឹងតម្លៃដ៏សមរម្យបំផុតសាកសមសម្រាប់ទទួលគ្រប់តម្រូវការរបស់ភ្ញៀវទាំងអស់។

ទន្ទឹមនឹងនេះដែរ តាមការអះអាងរបស់គណៈគ្រប់គ្រងក្រុមហ៊ុនL.Y.P Groupដែលជាម្ចាស់គម្រោងអគារ«ដឺ ព្រេមៀ សេនធ័រ សែនសុខ»បច្ចុប្បន្ននេះក្រុមហ៊ុនបានទទួលការកក់សម្រាប់ពិធីមង្គលការយ៉ាងច្រើន។

«គិតត្រឹមបច្ចុប្បន្នមានការកក់ដល់ទៅ៥០០អគារដែលស្មើទៅនឹង២៨៥គូស្វាមីភរិយាដោយគូខ្លះកក់ពីរអគារគូខ្លះកក់៥អគារ»តំណាងក្រុមហ៊ុនបានបញ្ជាក់យ៉ាងដូច្នេះ។

សូមបញ្ជាក់ជូនថា អគារនេះត្រូវបានសាងសង់លើផ្ទៃដីរហូតដល់ ៥០០០០ម៉ែត្រការ៉េ ហើយមានសមត្ថភាពអាចទទួលភ្ញៀវបានរហូតដល់ ៥០០០ នាក់។

សម្រាប់ព័ត៌មានលំអិតទាក់ទងទៅនឹងការកក់អគារសម្រាប់ពិធីរៀបមង្គលការ និងកម្មវិធីផ្សេងៗ លោកអ្នកអាចធ្វើការទំនាក់ទំនងតាមរយៈលេខទូរស័ព្ទ ០៨៥ ៨៨៨ ៤៥៥/០៦១ ៨៨៨ ៣៥៥/០៨៧ ៨៨៨ ៣៥៥ ឬតាមរយៈទំព័រហ្វ៊េសប៊ុក https://www.facebook.com/thepremiercentresensok/