គម្រោងនៅទួលគោករបស់អ្នកឧកញ៉ាគិតម៉េងជាមួយក្រុមហ៊ុនសឹង្ហបុរីចុះហត្ថលេខាជាផ្លូវ

• 7 ខែ​ធ្នូ 2018
• ព័ត៌មានអចលនទ្រព្យ
• 9 មើល

គម្រោងអភិវឌ្ឍន៍ចម្រុះនៅខណ្ឌទួលគោករបស់អ្នកឧកញ៉ាគិតម៉េងជាមួយនឹងក្រុមហ៊ុនសឹង្ហបុរីត្រូវបានចុះហត្ថលេខាជាផ្លូវការហើយ។

កាលពីដើមខែវិច្ឆិកាកន្លងមកនេះ ក្រុមហ៊ុនយក្សខ្មែរ Royal Groupរបស់អ្នកឧកញ៉ាគិតបានចុះហត្ថលេខាលើកិច្ចព្រមព្រៀងវិនិយោគរួមគ្នាទ្វេភាគីជាមួយក្រុមហ៊ុនHLH Development Pte Ltdរបស់ក្រុមហ៊ុនសឹង្ហបុរីឈ្មោះថា Hong Lai Huatជាផ្លូវការហើយ។

ក្រុមហ៊ុនទាំងពីរនឹងសហការរួមគ្នាក្នុងការអភិវឌ្ឍគម្រោងដែលគ្រប ដណ្តប់ទៅលើដីទំហំប្រមាណ៨២២១ម៉ែត្រការ៉េមួយនេះហើយការសាងសង់ទៀតសោតគឺនឹងចាប់ផ្តើមនាពេលឆាប់ៗខាងមុខនេះ។

ថ្លែងទៅកាន់បណ្តាសារព័ត៌មានក្នុងស្រុកក្នុងពិធីចុះហត្ថលេខាខាងលើ នាយកផ្នែកហិរញ្ញវត្ថុក្រុមហ៊ុន Royal GroupលោកMark Hannaបានបញ្ជាក់ថាក្រុមហ៊ុនទាំងពីរនឹងចាប់ផ្តើមសាងសង់អគារពាណិជ្ជកម្មនិងខុនដូដ៏ទំនើបមួយដែលមានកម្ពស់រហូតដល់ទៅ១២ជាន់ក្នុងរយៈពេលបីខែខាងមុខនេះហើយការសាងសង់នឹងបញ្ចប់ក្នុងរយៈពេល២ឆ្នាំ។

បន្ថែមជាងនេះទៅទៀត ក្នុងនាមជាក្រុមហ៊ុនដែលមានបទពិសោធន៍យូរឆ្នាំក្នុងការអភិវឌ្ឍអចលនទ្រព្យ លោក Ryan Ongអគ្គនាយករបស់ក្រុមហ៊ុនHLHបានគូសបញ្ជាក់ថាគម្រោងអភិវឌ្ឍន៍ចម្រុះនេះនឹងសាងសង់ឡើងប្រកបដោយគុណភាពខ្ពស់ស្របតាមលក្ខណៈស្តង់ដារអន្តរជាតិ។

សូមបញ្ជាក់ជូនថា យោងតាមសេចក្តីប្រកាសព័ត៌មានចេញផ្សាយដោយក្រុមហ៊ុន Hong Lai Huatកាលពីដើមខែ សីហា ឆ្នាំ ២០១៨ កន្លងទៅនេះ ក្រុមហ៊ុន Royal Groupនឹងបោះទុនទៅលើដី (ម្ចាស់កម្មសិទ្ធិដី) ខណៈក្រុមហ៊ុន Hong Lai Huatនឹងធ្វើការរាប់រងទៅលើចំណាយសំរាប់ការអភិវឌ្ឍន៍ ការសាងសង់ ព្រមទាំងចំណាយប្រតិបត្តិការទាំងអស់សម្រាប់គម្រោងមួយនេះ។ អានបន្ថែម

• គម្រោងអភិវឌ្ឍន៍
• គម្រោងអភិវឌ្ឍន៍