ក្រសួងបានអនុញ្ញាតឲ្យណាហ្គាសាងសង់គម្រោងទី៣របស់ខ្លួនលើដីអតីតអគារបូឌីង

• 30 ខែ​ឧសភា 2019
• Uncategorized @km
• 7 មើល

គម្រោងសាងសង់មណ្ឌលកម្សាន្តណាហ្គា៣ ដែលមានតម្លៃរាប់ពាន់លានដុល្លារអាមេរិកនៅលើដីអតីតអគារបូឌីងគឺទទួលបានលិខិតអនុញ្ញាតសាងសង់ហើយ ក្រោយពីក្រុមហ៊ុននេះបានធ្វើការកែប្រែប្លង់នៃគម្រោងរបស់ខ្លួន។

គម្រោងណាហ្គា៣ខាងលើ គឺជាគម្រោងអភិវឌ្ឍន៍កន្លែងកម្សាន្តចម្រុះរបស់ក្រុមហ៊ុន NagaCorp Ltd ក្រោមទុនវិនិយោគប្រមាណជា ៤ពាន់លានដុល្លារអាមេរិក លើផ្ទៃដីទំហំសរុបរហូតដល់ទៅ ១៦,៨៣៧ ម៉ែត្រការ៉េ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

គម្រោងនេះត្រូវបានក្រសួងរៀបចំដែនដី នគរូបនីយកម្ម និងសំណង់ផ្តល់លិខិតអនុញ្ញាតសាងសង់ម្តង់រួចទៅហើយកាលពីខែកក្កដា ឆ្នាំ២០១៨ ក៏ប៉ុន្តែ ក្រុមហ៊ុនបានធ្វើការទិញដីបន្ថែមទំហំ ៩,០៨០ ម៉ែត្រការ៉េ ដែលជាព្រំប្រទល់ទៅនឹងអតីតអគារបូឌីងដើម្បីពង្រីកគម្រោងរបស់ខ្លួន។ (អានបន្ថែម)

សម្រាប់ប្លង់គម្រោងថ្មីដែលនឹងមានសណ្ឋាគារកម្ពស់៦៦ជាន់ ចំនួន ២ និងអគារជាច្រើនទៀត ឯកឧត្តម ឆាន់ សូរ្យផល អគ្គនាយកសំណង់នៃក្រសួងរៀបចំដែនដី នគរូបនីយកម្ម និងសំណង់ បានឲ្យដឹងក្រោយកម្មវិធីជួបជុំជាមួយអ្នកសារព័ត៌មានកាលពីថ្ងៃទី ២៩ ខែឧសភា នេះថា ក្រសួងកាលពីខែ មេសា បានផ្តល់លិខិតអនុញ្ញាតសាងសង់ថ្មីជូនក្រុមហ៊ុនរួចហើយ ក៏ប៉ុន្តែ ឯកឧត្តម មិនបានដឹងអំពីដំណើរការសាងសង់នៃគម្រោងថានឹងចាប់ផ្តើមនៅពេលណានោះទេ។

ឯកឧត្តម គ្រាន់តែបញ្ជាក់ថា លិខិតអនុញ្ញាតសាងសង់មានសុពលភាព១ឆ្នាំ ហើយបើក្រុមហ៊ុនមិនមានសកម្មភាពទេ ក្រុមហ៊ុនអាចស្នើសុំបន្ត។

• Knowledge and Key Success
• Business and Market
• ចំណេះដឹង និង បទពិសោធន៍
• អត្ថបទវិភាគ
• Projects Development
• ចំណេះដឹង និង បទពិសោធន៍
• គម្រោងអភិវឌ្ឍន៍
• គម្រោងអភិវឌ្ឍន៍
• Urbanization and Architect
• នគរូបនីយកម្ម និងស្ថាបត្យកម្ម
• Technology and Engineering
• បច្ចេកវិទ្យា និងវិស្វកម្ម
• ធុរកិច្ច និងទីផ្សារ
• ធុរកិច្ច និងទីផ្សារ
• Analysis
• អត្ថបទវិភាគ