សាលាដំបូងនិងសាលាឧទ្ធរណ៍ភ្នំពេញថ្មីនៅជ្រោយចង្វារបើកការដ្ឋានសាងសង់

• 27 ខែ​តុលា 2020
• Uncategorized
• 8 មើល

ឯកឧត្តម កើត រិទ្ធ រដ្ឋមន្រ្តីក្រសួងយុត្តិធម៌ កាលពី២៦ ខែតុលា បានអញ្ជើញជាអធិបតីនៅក្នុងពិធីបើកការដ្ឋានសាងសង់អគារសាលាយុត្តិធម៌ថ្មី ដែលមានទីតាំងស្ថិតនៅក្នុងតំបន់អភិវឌ្ឍន៍ក្រុមហ៊ុន OCIC សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។

អគារសាលាយុត្តិធម៌ថ្មីនេះ នឹងប្រើប្រាស់ជាសាលាឧទ្ធរណ៍ភ្នំពេញ មហាអយ្យការអមសាលាឧទ្ធរណ៍ភ្នំពេញ អគារសាលាដំបូងរាជធានីភ្នំពេញ និងអយ្យការអមសាលាដំបូងរាជធានីភ្នំពេញ។

អគារថ្មីនេះ មានកម្ពស់ ៧ជាន់ និងមានផ្ទៃក្រឡាសរុប ១៩ ៩៥៦ម៉ែត្រការ៉េ ដែលកំពុងសាងសង់ដោយក្រុមហ៊ុនលី ឈួង សំណង់ & អាហរ័ណ នីហរ័ណ។

បើយោងតាមសេចក្ដីប្រកាសពីទីស្ដីការគណៈរដ្ឋមន្ត្រីកាលពីថ្ងៃទី ៣១ សីហា កន្លងមកនេះ ជាថ្នូរក្នុងការសាងសង់អគារថ្មីនេះ រដ្ឋាភិបាលនឹងផ្ដល់ជូនដីទីតាំងសាលាដំបូង និងអយ្យការអមសាលាដំបូងរាជធានីភ្នំពេញ ស្ថិតក្នុងសង្កាត់វាលវង់ ខណ្ឌ៧មករា ឱ្យទៅក្រុមហ៊ុន លី ឈួង សំណង់។ (អានបន្ថែម)

ដោយឡែក រដ្ឋនឹងចំណាយថវិកាប្រមាណ ៣ លានដុល្លារអាមេរិក សម្រាប់ការបំពាក់បរិក្ខារ និងគ្រឿងសង្ហារិម។

គួរបញ្ជាក់ផងដែរថា គម្រោងនេះ នឹងប្រើរយៈពេល ២ ឆ្នាំក្នុងការសាងសង់។

• គម្រោងអភិវឌ្ឍន៍
• Projects Development
• គម្រោងអភិវឌ្ឍន៍