សណ្ឋាគារផ្កាយ៥ ស្ដង់ដារអន្តរជាតិប្រេនWyndham ដំបូងបង្អស់បើកទ្វារជាផ្លូវការនៅខេត្តព្រះសីហនុ

• 19 ខែ​កុម្ភៈ 2021
• Uncategorized
• 6 មើល

សណ្ឋាគារ Howard Johnson Plaza by Wyndham Blue Bay ដែលជាសណ្ឋាគារផ្កាយ ៥ ស្ដង់ដារអន្តរជាតិប្រេន Wyndham ដំបូងបង្អស់នៅកម្ពុជា បានបើកទ្វារជាផ្លូវការនៅតាមបណ្តោយឆ្នេរឯករាជ្យនៃខេត្តព្រះសីហនុ។ នេះបើយោងតាមគេហទំព័រសារព័ត៌មាន PR Newswire។

បើយោងតាមប្រភពដដែល នេះជាលើកទីមួយហើយដែល ក្រុមហ៊ុនផ្គត់ផ្គង់ និងគ្រប់គ្រងសេវាកម្មបដិសណ្ឋារកិច្ចឈានមុខគេមួយលើពិភពលោក Wyndham Hotels & Resorts មកបើកសណ្ឋាគារនៅកម្ពុជា។

សណ្ឋាគារ Howard Johnson Plaza by Wyndham Blue Bay នេះ មានកំពស់ ៣៦ ជាន់ និងមានបន្ទប់ ៣២២ បន្ទប់។ សណ្ឋាគារក៏មានសេវាកម្មផ្សេងៗទៀត ដូចជា ទាំងអាងហែលទឹកដែលអាចមើលឃើញទេសភាពសមុទ្រ កន្លែងហាត់ប្រាណ ផ្សារទំនើប និងភោជនីយដ្ឋានជាដើម។

លោក Joon Aun Ooi ប្រធានក្រុមហ៊ុន Wyndham Hotels & Resorts ប្រចាំអាស៊ីអាស៊ីប៉ាស៊ីហ្វិកសណ្ឋាគារ បាននិយាយថា៖ «យើងមានសេចក្តីសោមនស្សរីករាយណាស់ ដែលបានឈានជើងចូលមកទីផ្សារប្រទេសកម្ពុជា ហើយខេត្តព្រះសីហនុគឺជាទីតាំងសក្ដានុពលមួយ»។

លោកបានបន្ថែមថា៖«យើងរំពឹងថានឹងមានការបើកសណ្ឋាគារ និងរីសតជាង ១០០ កន្លែងទៀតនៅអាស៊ីអាគ្នេយ៍ក្នុងរយៈពេល ៣ ទៅ ៥ ឆ្នាំខាងមុខ»។

គួរបញ្ជាក់ផងដែរថា ក្រុមហ៊ុន Wyndham Hotels & Resorts គឺក្រុមហ៊ុនសម្ព័ន្ធសណ្ឋាគារធំជាងមួយនៅលើពិភពលោក និងជាអ្នកផ្តល់សេវាកម្មគ្រប់គ្រងសណ្ឋាគារសរុបជា ៨៩០០ កន្លែង នៅទូទាំង ៩៥ ប្រទេសលើពិភពលោក។ ដោយឡែក ចំពោះសណ្ឋាគារ Howard Johnson Plaza by Wyndham វិញ គឺមានរហូតដល់ទៅ ៣២០ ទូទាំងពិភពលោក។

• គម្រោងអភិវឌ្ឍន៍
• ការវិនិយោគ និងមូលធន
• ធុរកិច្ច និងទីផ្សារ
• Investment and Funding
• Business and Market
• Projects Development
• គម្រោងអភិវឌ្ឍន៍
• ការវិនិយោគ និងមូលធន
• ធុរកិច្ច និងទីផ្សារ