ក្រុមសម្ព័ន្ធសណ្ឋាគារអន្តជាតិ Avani បើកសណ្ឋាគារដំបូងរបស់ខ្លួននៅខេត្តសៀមរាប

• 8 ខែ​សីហា 2019
• ព័ត៌មានអចលនទ្រព្យ
• 8 មើល

បន្ទាប់ពីការកែលម្អអស់រយៈពេលពេល ៦ ខែ ដោយក្រុមសម្ព័ន្ធសណ្ឋាគារអន្តរជាតិរបស់ប្រទេសថៃឈ្មោះថា Avani Hotels & Resorts សណ្ឋាគារស្ថាបត្យកម្មមរតកខ្មែរ-បារាំង ត្រូវបានបើកជាផ្លូវការឡើងវិញក្រោមឈ្មោះថ្មីថា «FCC Angkor – Managed by Avani» ។នេះបើយោងតាមរបាយការណ៍របស់ TTG។

សណ្ឋាគារថ្មីនេះ មានសរុប ៨០ បន្ទប់ ដែលបន្ទប់ទាំងអស់ត្រូវបានតុបតែងបែបបុរាណតាមបែបស្ថាបត្យកម្មខ្មែរ-បារាំង។ លើសពីនេះ ការរចនាតុបតែង គឺរក្សានូវអារម្មណ៍នៃបន្ទប់សារព័ត៌មានប្រវត្តិសាស្ត្រ ដោយមានដាក់តាំងម៉ាស៊ីនអង្គុលីលេខ ក៏ដូចជាទំព័រមុខនៃកាសែតចាស់ៗ ផងដែរ។

យោងតាមប្រភពដដែល បានឱ្យដឹងថាសណ្ឋាគារថ្មីមួយនេះ ក៏រួមមាន ភោជនីយដ្ឋាននិងបារ៍ដែលទើបនឹងសាងសង់ថ្មី ស្ប៉ា អាងហែលទឹក និងសួនច្បារជុំវិញផងដែរ។

ថ្លែងក្នុងឱកាសបើកការដ្ឋានកែលម្អ លោក Dillip Rajakarier អគ្គនាយកក្រុមហ៊ុន Minor Hotels ដែលជាក្រុមហ៊ុនមេរបស់ក្រុមហ៊ុន Avani Hotels & Resorts បានបង្ហាញសុទិដ្ឋិនិយមថា៖ « ការមកដល់របស់ក្រុមហ៊ុន Avani Hotels & Resorts ក្នុងប្រទេសកម្ពុជា បង្ហាញនូវការប្តេជ្ញាចិត្តរបស់យើងក្នុងការផ្តល់ជូនបទពិសោធន៍ឲ្យកាន់តែប្រសើរឡើងដល់អ្នកដំណើរទាំងអស់»។ (អានបន្ថែម)

គួរបញ្ជាក់ផងដែរថា ក្រុមសម្ព័ន្ធសណ្ឋាគារអន្តរជាតិ Avani Hotels & Resorts ជាក្រុមសម្ព័ន្ធដែលមានអចលនទ្រព្យរួមមានសណ្ឋាគារនិងរីស៉តប្រមាណជាង ២៣ កន្លែង ក្នុងប្រទេសចំនួន ១៥ ។

• គម្រោងអភិវឌ្ឍន៍
• ធុរកិច្ច និងទីផ្សារ
• គម្រោងអភិវឌ្ឍន៍
• ធុរកិច្ច និងទីផ្សារ