រដ្ឋាភិបាលសម្រេចកាត់ដីគម្របព្រៃឈើជាង ៦០០ហិកតា នៅខេត្តព្រះសីហនុឱ្យឯកជនធ្វើកម្មសិទ្ធ

• 13 ខែ​តុលា 2020
• ព័ត៌មានអចលនទ្រព្យ
• 9 មើល

រាជរដ្ឋាភិបាលកម្ពុជា សម្រេចធ្វើអនុប្រយោគឆ្វៀលដីទំហំ ៦០០ហិកតា ចេញពីដែនព្រៃលិចទឹក និងគម្របព្រៃឈើឆ្នាំ ២០០២ នៅខេត្តព្រះសីហនុ ឱ្យទៅជាកម្មសិទ្ធិរបស់លោកឧកញ៉ា សេង ញ៉ក និងលោកជំទាវ លី អាផណ ដែលជាប្រធានក្រុមហ៊ុន ដឺព្រេមៀ លែន (The Premiere Land Co Ltd) ដើម្បីធ្វើការអភិវឌ្ឍ។

យោងតាមអនុក្រិត្យ លេខ ៨២អនក្រ.បក ចុះហត្ថលេខាដោយសម្ដេចនាយករដ្ឋមន្ត្រី ហ៊ុន សែន កាលពីថ្ងៃទី៩ ខែមិថុនា ឆ្នាំ២០២០ ដីរដ្ឋជាង ៦០០ ហិកតា នេះ មានទីតាំងស្ថិតនៅ ឃុំរាម និងឃុំបិតត្រាំង ស្រុកព្រៃនប់ ខេត្តព្រះសីហនុ។

ផែនទីបង្ហាញក្នុងឧបសម្ព័ន្ធនៃអនុក្រឹត្យ ក៏បានបង្ហាញថា ទីតាំងដីដែលត្រូវបានឆ្វៀលនេះ គឺស្ថិតនៅជាប់នឹងទីតាំងព្រលានយន្តហោះអន្តរជាតិព្រះសីហនុ ភាគខាងត្បូង។

ដោយឡែក ក្រុមហ៊ុន ដឹព្រេមៀ លែន ឯ.ក មិនទាន់បានបញ្ជាក់ជាសាធារណៈនៅឡើយទេ ថានឹងអភិវឌ្ឍដី ៦០០ ហិកតានេះទៅជាគម្រោងអ្វី។

ឧកញ៉ា សេង ញ៉ក និងលោកជំទាវ លី អាផណ គឺជាសាច់ញាតិរបស់លោកឧកញ៉ា លី យ៉ុងផាត់ ដែលជាសេដ្ឋីក៏ល្បីល្បាញមួយរូប និងជាម្ចាស់គម្រោងអភិវឌ្ឍធំៗជាច្រើននៅកម្ពុជា។

គួរបញ្ជាក់ផងដែរថា​ ដីសាធារណៈរបស់រដ្ឋ រួមបញ្ចូលដីទាំងអស់ដែលបម្រើផលប្រយោជន៍សាធារណៈ។ ដីសាធារណៈរបស់រដ្ឋមិនអាចផ្លាសប្តូរបាន បើសិនជាវានៅតែមានប្រយោជន៍សាធារណៈ។ ប្រសិនបើដីសាធារណៈរបស់រដ្ឋបាត់បង់ផលប្រយោជន៍សាធារណៈ ឬវាលែងត្រូវបានសាធារណជនប្រើប្រាស់ ដីនេះអាចនឹងត្រូវយកមកចាត់ថ្នាក់ឡើងវិញជាដីឯកជនរបស់រដ្ឋវិញ។

• ច្បាប់ និងបញ្ញាត្តិ
• គម្រោងអភិវឌ្ឍន៍
• គោលនយោបាយ និងការអភិវឌ្ឍដីធ្លី
• ច្បាប់ និងបញ្ញាត្តិ
• គម្រោងអភិវឌ្ឍន៍