CDC អនុម័តគម្រោងអភិវឌ្ឍន៍រោងចក្រ១កន្លែងតម្លៃជាង១លានដុល្លារអាមេរិក

• 27 ខែ​មេសា 2020
• Uncategorized
• 7 មើល

កាលពីពេលថ្មីៗនេះ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តលើគម្រោងវិនិយោគសាងសង់រោងចក្រគ្រឿងបរិក្ខារសំណង់ធ្វើពីឈើ មួយកន្លែងក្នុងខេត្តព្រះសីហនុ របស់ក្រុមហ៊ុន Mountain Moon Millwork Co., Ltd ក្នុងទំហំទឹកប្រាក់វិនិយោគទុនប្រមាណជាង ១ លានដុល្លារអាមេរិក ។

ក្រុមហ៊ុន Mountain Moon Millwork Co., Ltd សាងសង់រោងចក្រនេះ ដើម្បីផ្គត់ផ្គង់សម្ភារៈសំណង់ឈើសម្រាប់បំពេញតម្រូវការទីផ្សារក្នុងប្រទេស ដែលផលិតទាំងនោះរួមមាន ស៊ុមទ្វារ បង្អួច ក្តារបន្ទះ ក្តារប៉ាកេរ គ្រឿងតុបតែងធ្វើអំពីបន្ទះឈើ។

រោងចក្រនេះ នឹងដំឡើងក្នុង ទីតាំងស្ថិតនៅក្នុងតំបន់សេដ្ឋកិច្ចពិសេសក្រុងព្រះសីហនុ។ យោងទៅតាមសេចក្តីប្រកាសពត៌មានរបស់ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី២៥ ខែមេសា ឆ្នាំ២០២០ គម្រោង ១លានដុល្លារនេះ នឹងអាចបង្កើតការងារបានចំនួន៤៣០ កន្លែង សម្រាប់ប្រជាជនក្នុងខេត្តព្រះសីហនុ។

ការវិនិយោគក្នុងអំឡុងពេលនៃការផ្ទុះឡើងកូវីដ១៩ នេះ បានបង្ហាញពីទំនុកចិត្តរបស់អ្នកវិនិយោគបរទេសចំពោះស្ថេរភាពសង្គម នយោបាយ និងម៉ាក្រូសេដ្ឋកិច្ចកម្ពុជា ដែលកំពុងតែគំរាមកំហែងដោយជំងឺឆ្លងនេះ៕

• គម្រោងអភិវឌ្ឍន៍
• ការវិនិយោគ និងមូលធន
• Investment and Funding
• Projects Development
• គម្រោងអភិវឌ្ឍន៍
• ការវិនិយោគ និងមូលធន