រដ្ឋអនុញ្ញាតឱ្យក្រុមហ៊ុន Royal Group បង្កើតតំបន់សេដ្ឋកិច្ចពិសេសនៅកោះកុង

• 26 ខែ​វិច្ឆិកា 2020
• Uncategorized
• 13 មើល

រដ្ឋបាលខេត្តកោះកុង បានឯកភាពលើគម្រោងបង្កើតតំបន់សេដ្ឋកិច្ចពិសេសនៅខេត្តកោះកុង ដែលស្នើដោយក្រុមហ៊ុន Royal Group Co., Ltd ។ នេះបើយោងតាមកិច្ចប្រជុំស្ដីពីការសិក្សាលម្អិតនៃទីតាំងគម្រោង កាលពីថ្ងៃទី ២៣ វិច្ឆិកា កន្លងមកនេះ។

គម្រោងនេះនឹងលាតសន្ធឹងលើផ្ទៃដី ១ម៉ឺនហិកតា ក្នុងឃុំតានូន និងឃុំថ្មស នៃស្រុកបូទុមសាគរ ខេត្តកោះកុង ដោយឡែកចំពោះទីជាក់លាក់ក្រុមការងារនឹងចុះទៅពិនិត្យទីតាំងទាំងអស់ក្នុងឧទ្យានជាតិបូទុមសាគរសិន មុននឹងសម្រេច។

ទោះជាគាំទ្រលើគម្រោងនេះក្ដី រដ្ឋបាលខេត្ត ក៏បានស្នើឱ្យក្រុមការងារបញ្ចៀសផលប៉ះពាល់ដល់ប្រជាពលរដ្ឋ និងជីវចម្រុះក្នុងតំបន់ឱ្យនៅកម្រិតទាបបំផុត។

លោក សុខ សុទ្ធី អភិបាលរងខេត្តកោះកុង បានប្រាប់កាសែតភ្នំពេញប៉ុស្តិ៍ថា បច្ចុប្បន្នខាងក្រសួងបរិស្ថានកំពុងសិក្សាលើទីតាំងភូមិសាស្ត្រឱ្យបានច្បាស់លាស់ និងធ្វើយ៉ាងណាឱ្យមានផលប៉ះពាល់តិចបំផុតលើបរិស្ថាន។

គួរបញ្ជាក់ផងដែរថា តំបន់សេដ្ឋកិច្ចពិសេសដើរតួរយ៉ាងសំខាន់ក្នុងការជួយជំរុញសេដ្ឋកិច្ចកម្ពុជា។ យោងតាមរបាយការណ៍ ក្រសួងសេដ្ឋកិច្ច និងហិរញ្ញវត្ថុ តម្លៃនៃការនាំចេញពីតំបន់សេដ្ឋកិច្ចពិសេសនៅកម្ពុជាមានដល់ជាង ២,៦ ពាន់លានដុល្លារ កាលពីឆ្នាំមុន ពោលគឺកើនឡើង ២៧% បើធៀបនឹង ២០១៨។

 

• គម្រោងអភិវឌ្ឍន៍
• ផ្លូវ និងហេដ្ឋារចនាសម្ព័ន្ធ
• ការវិនិយោគ និងមូលធន
• Investment and Funding
• Road and Infrastructure
• Projects Development
• គម្រោងអភិវឌ្ឍន៍
• ការវិនិយោគ និងមូលធន