ក្រុមហ៊ុនសិង្ហបូរីសម្រេចចិត្តលក់គម្រោងសណ្ឋាគារនៅខេត្តព្រះសីហនុរបស់ខ្លួនសារជាថ្មីម្ដងទៀត

• 29 ខែ​ឧសភា 2021
• ព័ត៌មានអចលនទ្រព្យ
• 16 មើល

ក្រោយផ្ដាច់កិច្ចសន្យាទិញលក់ការពីឆ្នាំ២០១៨ ដោយសារបញ្ហាហិរញ្ញវត្ថុរបស់អ្នកទិញ ក្រុមហ៊ុនអចលនទ្រព្យសិង្ហបូរី Hong Lai Huat Group (HLH Group) បានសម្រេចលក់សណ្ឋាគារ D’Seaview នៅខេត្តព្រះសីហនុសារជាថ្មីម្ដងទៀត កាលពីថ្ងៃទី ២៧ ខែឧសភា កន្លងមកនេះ។

បើយោងតាមសារព័ត៌មាន The Edge Singapore នៅក្នុងកិច្ចព្រមព្រៀងទិញលក់ថ្មីនេះ អ្នកទិញបានបង់លុយចំនួន ៤,២ លានដុល្លារអាមេរិច ដែលចាត់ទុកថាជាថ្លៃកក់ ហើយនឹងបន្តបង់តាមដំណាក់កាលដែលមានចែងក្នុ្ងងកិច្ចសន្យា។

ក្រៅពីការបង់ប្រាក់ឱ្យគ្រប់តាមតម្លៃ អ្នកទិញក៏ត្រូវតែទទួលខុសត្រូវ លើការបង់ពន្ធប្រថាប់ត្រាក្នុងការផ្ទេរកម្មសិទ្ធអចលនទ្រព្យ ក៏ដូចជាពន្ធផ្សេងៗ ផងដែរ។

យ៉ាងណាមិញ ប្រភពខាងលើមិនបានបញ្ជាក់ពីឈ្មោះរបស់អ្នកទិញនោះទេ។

បញ្ជាក់ផងដែរថា ក្រុមហ៊ុន HLH Group បានប្រកាសលក់សណ្ឋាគារក្នុងគម្រោង D’Seaview ជាលើកដំបូងក្នុងតម្លៃ ១៥,៧ លានដុល្លារអាមេរិក កាលពីខែមីនា ឆ្នាំ២០១៨ ។ ក្រោយមក ក្នុងខែធ្នូ ឆ្នាំដដែល ក្រុមហ៊ុនសម្រេចបញ្ឈប់កិច្ចព្រមព្រៀងទិញលក់ ដោយបញ្ជាក់ថាភាគីអ្នកទិញមិនបានគោរពទៅតាមកិច្ចសន្យា។ (អានបន្ថែម និងបន្ថែម)

មានទីតាំងប្រមាណមួយគីឡូម៉ែត្រពីឆ្នេរសុខា និងមានសរុបចំនួន ៩៨បន្ទប់ សណ្ឋាគានេះគឺជាផ្នែកមួយនៃគម្រោង D’Seaview ដែលជាគម្រោងប្រភេទ Freehold ជាលើកដំបូងរបស់ក្រុមហ៊ុន HLH Group នៅកម្ពុជា។

គម្រោងមានជាប្រភេទលំនៅឋានចំនួន ៧៣៧ យូនិត និងប្រភេទអគារពាណិជ្ជកម្មចំនួន ៦៧យូនិតដែលមានផ្ទៃក្រឡា Freehold សរុប ២២.០៦៤ ម៉ែត្រការ៉េ។

• ការវិនិយោគ និងមូលធន
• ធុរកិច្ច និងទីផ្សារ
• ការវិនិយោគ និងមូលធន
• ធុរកិច្ច និងទីផ្សារ